一瀧 (已結業)

一行入餐廳，成個裝修都好有日本江戶時代風格，好似真係去咗日本咁，坐喺tatami上邊食飯😍，就當自己去咗轉日本。A4宮崎和牛壽喜燒加棉花糖🥩🍭 $488+40呢個和牛係刺身級可以生生地咁食，仲切得好大塊，油脂分布平均。放落個鍋度輕輕燙兩下，撈埋生雞蛋一齊食，肉質軟滑有口感。棉花糖融咗之後，所有蔬果嘅面都bling bling咗，甜甜地幾過癮。料理長刺身盛2人前 $500赤身l帶子l鰤魚l灸燒春魚l牡丹蝦餐廳會準備當日時令嘅五款刺身，每款都好厚身。帶子面灑咗唔少柚子皮碎，咬落去好清新，帶出左一種唔同嘅香味。赤身面有金箔，特別矜貴，而鰤魚肉質比較稔。料理長時令壽司 $180依家果然係秋刀魚嘅季節，最近去日本餐廳食飯餐廳都會推介秋刀魚。擺盤好精緻，呢嚿壽司秋刀魚個比例比起飯多勁多。三瀨雞全翼一夜干 $78 一夜干係一種醃製再經一夜風乾嘅烹調手法，即使經過風乾，但係呢隻雞翼都仲有肉汁。燒薩摩魚餅 $48芝士魚餅燒完之後都好鬆軟。