漁獲浜燒 (已結業)

喺銅鑼灣返工好處係勁多好野食，而且價錢實惠，今次就專登約同事嚟咗呢一間餐廳食燒海鮮呢個同事仔出名要求高所以呢一間一定啱佢心意，因為呢間餐廳真係好高質 無講海鮮定服務都係一流～我提議試佢地個龍蝦活貝浜燒盛合，除咗龍蝦，盛合仲有日本文蛤蜆，北寄貝同帆立貝 佢個餐包咗前菜，個椰菜加埋麻醬食完好開胃～～跟住店員就會過嚟喺我哋面前將啲海鮮逐一烹調日本文蛤蜆勁大隻！入口超飽滿同好鮮甜北寄貝店員先將啲清酒同海帶擺入殼，跟住再將剪碎嘅北寄貝肉放上去一齊燒 北寄貝吸收晒清酒嘅香味 入口juicy超鮮味帆立貝粒帆立貝勁大粒，店員用咗清酒同香草牛油煮，喺佢煮既時候我地已經超想食！！澳洲龍蝦配味噌醬一路望住店細心咁將龍蝦肉逐舊出嚟，再喺每一舊龍蝦上邊淋咗味增醬，再用火槍燒，好鬼香！蟹肉黃金海膽炒飯 呢個值得一讚，個飯炒得好乾身，而且用料勁足，入面勁多蟹肉，你再睇睇上面嗰pat 海膽？正正正我地因為唔太好飲清酒，所以我哋就一人叫咗巨峰梳打同烏龍茶～～