牛站(駅)麻辣火鍋放題

營業中

休息中

天氣開始有d凍，又係時間開始同朋友瘋狂打邊爐啦，今次黎到牛站食火鍋午市放題，佢地有幾個唔同價錢既套餐，今次我地就揀左3號餐既SRF美國極黑和牛片，午市仲可以食足4粒鐘，真係好抵食。枝竹羊腩鍋＆藥膳牛骨鍋秋天到就一定要食下佢地新加入既羊腩湯底暖一暖胃，佢地既羊腩湯底十分惹味，羊腩本身都有唔少，軟身又唔會好膻。牛骨湯底清爽，帶有少少中藥味，感覺比較健康可以中和返食完既罪惡感。美國特級肩胛肉眼佢地既肩胛肉眼肉質比較嫩，脂肪分佈得幾平均，肉味適中。美國極黑和牛SRF和牛SRF既脂香味較重，不過佢地都切得比較薄身，所以唔會有好重既油膩感。美國安格斯牛板腱脂肪較少，肉味最濃，如果唔想食咁多肥既話呢個就岩哂。象拔蚌片十分鮮甜，放落去一齊就食得，爽口彈牙，非常新鮮。蝦滑&墨魚滑蝦滑同墨魚滑都十分新鮮起哂膠，食落仲食到一粒粒既蝦粒同墨魚粒，非常有口感。自助區而家佢地應該為左秋冬天季節，加入左新既糯米飯同蛇羹，非常少見。雪糕&甜品甜品種類有好多，淨係雪糕雪條都好多款可以揀，不過始終最鐘意都係食哈根大師，任食真係好幸福。飲品飲品方面非常多選擇，由冷泡茶，汽水，到啤酒梅酒都係任飲，花多眼亂。