平日下晝約朋友去銅鑼灣悠閑食tea。
揀咗「川滿居」，人氣川菜，抵食大份又正宗。
下午茶時間有客飯套餐供應，避開中午人潮，仲可以慢慢嘆～
秘制拍青瓜
唔揀蒜蓉，今次呢個拍青瓜係用陳醋秘製，青瓜依然爽脆，陳醋不嗆喉，開胃清新！👍🏻
香辣魚皮
魚皮質感煙煙韌韌，香辣惹味，麻香十足！
香鍋客飯套餐
可以只選三餸，揀了豬皮、豬腰片和田雞。
味道選了醬香，帶點點嘅香辣，配上香茜、洋蔥京蔥等配菜，有鑊氣又炒得惹味香口！
酸菜魚飯客飯套餐
必點招牌酸辣魚，魚片分量超多，酸菜湯底惹味香濃，仲有大量配料：薯粉、酸菜、芽菜蘿蔔..豐富美味！😋
京蔥羊肉
用上大量爽甜嘅京蔥，配羊肉極佳。
夾上麼麼皮也另一番風味。
霸王蝦球
沾上鹹蛋黃嘅炸漿，鹹香美味，脆皮有點厚，不過蝦肉鮮甜爽彈，美味嘅手工小炒！
各款客飯套餐也包括飲品，水吧嘅檸檬茶正常發揮。
