船皇 (謝斐道) (已結業)

同朋友到銅鑼灣行街，突然好想食泰式湯麵，咁啱見到呢間餐廳喺附近就決定試吓，等左大約10分鐘就入座。本身想叫船皇湯河，因為見佢有好多餸，可惜最想食既河粉賣晒，所以轉左米粉。真係超多餸，牛雞豬都有，可惜豬潤又賣晒，睇嚟下次要早啲黎食。湯底超正，好濃味又有好多肉碎，仲有脆卜卜嘅炸豬皮喺面。米粉好幼身但係好有口感超入味，大部餸都幾好食，牛丸豬肉丸全部都彈牙，係雞翼d肉太淋我唔係咁鍾意。飲品揀左檸檬梳打，唔太甜大大杯。同朋友點左個泰式炸蝦卷share，炸到熱辣辣，加埋泰式辣醬好好味。