影片
更多
2025-04-25
329 瀏覽
今次嚟到美麗華酒店系列入邊嘅一間中菜廳食飯，位置位於銅鑼灣，餐廳裝修同佈置都係中式風，非常優雅✨。🍴金磚豆腐，金沙白飯魚豆腐同白飯魚嘅外皮炸至金黃色🔥，令人食指大動。白飯魚嘅外皮係用鹹蛋黃炸嘅，酥脆口感加埋鹹蛋黃嘅香味，味道層次好豐富😋。金磚豆腐嘅外皮炸到好香口，裏面嘅豆腐亦都好嫩滑，一脆一嫩配搭出嚟嘅口感，非常出色。🍴大宅佛跳牆佛跳牆非常足料有齊海參、鵪鶉蛋、干貝、花膠、鮑魚等等😍。經過燉煮後嘅料，鮮味完全融入湯中，湯非常濃郁。飲完好漿口，證明好足花膠🤩！食完依碗就覺得個人暖笠笠。🍴蟹黃銀針燴玉帶一上菜後，首先湧出嘅係煎完之後，帶子傳嚟嘅煎香味💥。帶子食落非常彈牙鮮甜，下面嘅羹充斥住蟹黃同帶子嘅鮮味🦀，充滿成個口中。🍴20年古月龍山花雕蛋蒸虎蝦球蝦球大大粒，食落好爽彈🦐。蒸蛋好滑身，蛋香濃郁，一放入口，淡淡嘅花雕酒香充斥整個口腔🍶，酒味調教得啱啱好，係好溫柔咁衝擊你嘅味蕾，令成個菜式增添特色。🍴拔絲咕嚕肉酸酸甜甜令原本飽飽哋嘅我又開胃左，咕嚕肉炸粉好輕身，鎖住肉嘅肉汁，仲脆卜卜，食落好juicy💦。🍴香煎一夜鮮麒麟魚煎到個魚皮好香脆嘅同時，魚肉仲好嫩滑，係一道出色嘅手工菜⭐️。脆皮嘅位
🍴金磚豆腐，金沙白飯魚
豆腐同白飯魚嘅外皮炸至金黃色🔥，令人食指大動。白飯魚嘅外皮係用鹹蛋黃炸嘅，酥脆口感加埋鹹蛋黃嘅香味，味道層次好豐富😋。金磚豆腐嘅外皮炸到好香口，裏面嘅豆腐亦都好嫩滑，一脆一嫩配搭出嚟嘅口感，非常出色。
🍴大宅佛跳牆
佛跳牆非常足料有齊海參、鵪鶉蛋、干貝、花膠、鮑魚等等😍。經過燉煮後嘅料，鮮味完全融入湯中，湯非常濃郁。飲完好漿口，證明好足花膠🤩！食完依碗就覺得個人暖笠笠。
🍴蟹黃銀針燴玉帶
一上菜後，首先湧出嘅係煎完之後，帶子傳嚟嘅煎香味💥。帶子食落非常彈牙鮮甜，下面嘅羹充斥住蟹黃同帶子嘅鮮味🦀，充滿成個口中。
🍴20年古月龍山花雕蛋蒸虎蝦球
蝦球大大粒，食落好爽彈🦐。蒸蛋好滑身，蛋香濃郁，一放入口，淡淡嘅花雕酒香充斥整個口腔🍶，酒味調教得啱啱好，係好溫柔咁衝擊你嘅味蕾，令成個菜式增添特色。
🍴拔絲咕嚕肉
酸酸甜甜令原本飽飽哋嘅我又開胃左，咕嚕肉炸粉好輕身，鎖住肉嘅肉汁，仲脆卜卜，食落好juicy💦。
🍴香煎一夜鮮麒麟魚
煎到個魚皮好香脆嘅同時，魚肉仲好嫩滑，係一道出色嘅手工菜⭐️。脆皮嘅位食落好有空氣感嘅酥脆，食落都唔覺好油膩，好香口，但又唔會覺得好邪惡嘅菜式👍🏼。而外觀都簡直係一個藝術品，打卡滿分！
蝦子花膠濃雞湯.拌菜苗.手工拉麵
雞湯味好濃厚，花膠入口即溶，同時令湯頭味道更豐富🤤，手工拉麵有勁道，可以掛上湯汁一齊食🍜。底部仲有鮮甜嘅菜作結，令湯更甜，亦可解膩。
🍴芋茸燉鮮奶
鮮奶好滑，甜度啱啱好，唔會太甜，底部嘅芋茸做得好好，打到好綿密😙，口感好細膩。再加上面頭嘅桃膠Q彈嘅口感，配搭啱啱好。
配一壺桂花玄米茶，淡淡嘅桂花香配上後韻玄米茶，十分清新🍵，食到一半嘅時候refresh一下就啱曬。
張貼
