大宅

問月酒店內有家精緻的私房餐廳，佈置有品味，仿如從前富貴人家的大宅，兩個人無需花時間思考，點吃嘗味菜單，可以多吃幾款！每位$688，前菜三款、五道菜加一款甜品，菜色多元很豐富。竹炭鹽腰果我覺得這個腰果非常好食，鹽香出眾，我甚至覺得有多少黑松露香。椒鹽糖心鮑魚.鴛鴦海蜇絲(Crispy Abalone with Salt & Pepper, Jelly Fish in Szechuan TPepper Sauce e French Scallion Sauce)最欣賞鴛鴦海蜇絲，尤其是法蔥造出綠色醬汁，口感清新討好，與爽口的海蜇是很合拍。另一口味是麻辣，香港人口味的中辣，都唔錯。鮑魚也可以。金腿蟹肉燴冬蓉羹Winter Melon Soup with Crabmeat & yunnan Ham湯清味醇厚，蟹肉的鮮、金腿的鹹香與軟綿綿的冬蓉混合，每一口都是滋味，這個湯羹我很鍾意。廿年陳皮拔絲虎蝦球Sweet Sour Tiger Prawns with 20 years aged Dried Tangerine Peel整體做得唔錯，拔絲黏調起絲，濃甜帶少許酸，除了有整粒蝦球之外，有荔枝肉及炸漿脆脆。不過個人口味而言，我就覺得過甜了，而且覺得濃郁的咕嚕汁奪了蝦的鮮味，還是咕嚕肉比較夾。文火和牛Slow cooked wagyu with homemade sauce慢煮和牛點可能會唔好食，炆到完全軟透，配合秘製牛肉汁，仲有炸腸粉，豐富飽肚。乾燒椰菜花龍躉Braised Giant Grouper Fillet, Cauliflower, Pepper Oil椰菜與龍躉皆煎得很香口惹味，龍躉肉厚嫩滑，好吃！蝦子花膠濃雞湯拌菜苗手工拉麵Chinese Noodle in Chicken Broth with fish Maw, Dried Shrimp,Vegetable這一道手工拉麵我也很喜歡，簡單就是美，湯頭濃郁，拉麵有彈性。陳皮蓮子紅豆沙粒粒幼沙，充滿陳皮香，同伴是紅豆沙專家，告知做法隔了沙，這是大戶人家的喜歡的吃法。#大宅 #銅鑼灣 #粵菜…查看更多

### 【銅鑼灣五星酒店中餐廳食評】 放工之後同老婆去咗銅鑼灣問月酒店入面嘅「大宅」中餐廳，試咗佢哋嘅 Tasting Menu。成個用餐體驗由環境、服務到食物，都幾有水準，值得寫低分享。 ---#### 🍴 環境同服務 餐廳裝修偏向中式典雅，燈光柔和，枱與枱之間間隔夠大，唔會有逼促感，無論係商務飯局定情侶約會都啱。坐低即刻有茶水同迎賓小食，店員態度專業，介紹菜式時有交代重點，感覺貼心。 ---#### 🥢 食物體驗 **1. 前菜拼盤** - **麻辣海蜇、八角蔥油海蜇**：爽口彈牙，調味分明。麻辣果款真係有辣勁，要有心理準備。 - **椒鹽糖心鮑魚**：外脆內嫩，保留住鮑魚鮮味，椒鹽香氣加分，好香口。 **2. 金華火腿蟹肉冬蓉羹** 羹底夠熱，口感稠滑，蟹肉份量足。金華火腿嘅鹹香令成碗湯更有層次，飲落暖胃。 **3. 陳皮拔絲虎蝦球** 蝦球大粒彈牙，外層拔絲香甜，仲有油炸鬼脆脆做配搭，食第一啖好有驚喜。不過食到底，醬汁偏多，有啲甜膩。 **4. 文火和牛** 和牛炆得軟腍，差唔多有牛面頰嘅口感，好入味。底下鋪住炸腸粉，再吸埋濃味醬汁，幾惹味。 **5. 乾燒椰菜花龍躉** 龍躉球無骨，肉質滑，椰菜花炒得香口。整體味道麻而不辣，算中規中矩，未算太驚喜但唔失禮。 **6. 花膠雞湯手工拉麵** 雞湯帶膠質，清中帶濃，花膠上面有蝦子增添鮮味。拉麵口感煙韌，食到最後一碗麵有種「收尾」嘅舒服感，啱啱好解膩。 **7. 陳皮蓮子紅豆沙** 紅豆沙煲得夠時間，好綿滑，冇紅豆衣，蓮子粒粒軟腍，甜度適中，收尾好滿意。 ---#### 💰 價錢 兩位 Tasting Menu 埋單連茶位、服務費大約 **$1595**。以五星酒店餐廳嚟講，呢個價錢算合理，特別係食材選擇同整體體驗都有質素。 ---#### ⭐ 總結評分 - 環境：★★★★★- 服務：★★★★★- 食物：★★★★★- CP 值：★★★★☆ 整體嚟講，呢間餐廳食物質素高，味道偏濃郁，適合鍾意重口味精緻中菜嘅人。Tasting Menu 每隔一兩個月會轉款，有新鮮感，下次會考慮再試其他菜式。 …查看更多

晚市套餐餐牌 👀金磚豆腐。金沙白飯魚兩樣都係新鮮炸好攞上檯夠熱，夠脆，夠香口唯一要彈既係份量可以多啲大宅佛跳牆實物比相大碗，一打開個蓋，香氣撲鼻可算係名副其實既佛跳牆入面配料豐富，有鮑魚、大大隻乾元貝、花膠等等星級食材湯頭香濃厚重，膠質豐富食完會有種難以忘懷既感覺蟹黃銀針燴玉帶帶子半熟，輕微煎過外層，鮮香味美蟹黃汁味道偏淡，略顯單調20年古月龍山花雕蛋蒸虎蝦球幾有驚喜，蒸蛋每啖入口果然有微微花雕香味味道不濃不嗆，可以話岩岩好虎蝦新鮮，咬落肉質回彈拔絲咕嚕肉呢個菜式相對普通，拔絲係做到，但係口感方面爭啲裡面有油炸鬼，食落反而比豬肉突出酸甜口味算係中和下先前幾個菜既飽腹感香煎一夜鮮麒麟魚魚塊炸得脆口，連埋外皮食口感更豐富處理得幾好既地方係即使魚塊係炸過，但係內裡肉質依然保持水嫩多汁蝦子花膠濃雞湯。伴菜苗。手工拉麵湯麵黎講湯底好重要呢個雞湯好香濃，就算食唔曬啲麵都會想飲曬啲湯芋茸燉鮮奶上層係桃膠，中層係燉鮮奶，底層係芋泥整體甜度控制得好好，芋泥唔會好似潮州菜有時太甜之餘，亦唔會唔會油稱得上係有心思既甜品…查看更多

同媽咪去銅鑼灣問月酒店「大宅」食中菜，裝潢雅緻又有時尚感，媽咪入場已經開心咗一半😊主廚吳師傅有超過30年經驗，曾於本地多間知名中菜任職，出品有信心保證。餐牌菜式選擇多，有套餐有散點。侍應服務有溫度，貼心專業。🥢金磚豆腐，金沙白飯魚鹹蛋黃份量好多，食落好香鹹蛋黃味，惹味好食！脆漿皮薄酥脆，非常鬆化，炸功了得！🥢大宅佛跳牆🔥招牌必食推介🔥集齊鮑參翅肚夠排頭，用嚟宴客非常得體。超級足料，塞滿晒成個盅！用極鮮上湯加陳年花雕酒，放入蹄筋、鴿子蛋、南非乾鮑魚、豬婆參、金山勾翅、雲南金華火腿、羊肚菌、瑤柱、老雞、螺頭、蓮子、瘦肉等以文火燉，足料入味，醇厚濃香，充滿膠質，飲到啖啖心機又滋補。🥢蟹黄銀針燴玉帶精挑3斤重嘅越南大肉蟹，蟹膏特別飽滿，呢碟啱晒懶拆蟹嘅我😌🥢20年古月龍山花雕蛋蒸虎蝦球師傅特別選用古越龍山20年花雕以取其更濃更醇更香，蝦厚肉爽彈、輕盈滑溜，再配花雕酒嘅甘甜，要讚👍🏻🥢拔絲咕嚕肉上枱一望就知對辦，外層炸得香脆唔油膩，濃稠掛汁，咬落多汁又唔乾柴。🥢香煎一夜鮮麒麟魚鱗片煎得鬆脆，魚肉厚身嫩滑，油脂豐富，鮮甜，有口感有層次，高水準製作！🥢蝦子花膠濃雞湯伴菜苗手工拉麵湯底勁香濃，飲落有雞味同花膠膠質感，手拉麵煙韌有咬口，蝦子增添鮮味，成碗超有層次。🥢芋茸燉鮮奶芋茸滑嘟嘟，奶香融合，唔會過甜，滑到落口即溶，食完超滿足！單據：…查看更多

呢間大宅係位於酒店入邊嘅精緻中菜，裝修精巧地融合咗傳統同埋現代嘅元素，設計典雅得來又散發住一種富有濃厚文化底蘊嘅感覺～✨前菜有椒鹽糖心鮑魚角 、脆銀魚乾同埋琥珀核桃！三款都好香口，令人極之開胃～✨花膠海參魚茸羹呢碗湯係結合咗多款山珍海味而製成嘅，啖啖都充滿海鮮風味～✨蟹黃銀針燴玉帶大大粒嘅帶子表面微微焦脆，配搭用蟹肉、蟹黃同銀針整成嘅芡汁，滋味無窮～✨20年古月龍山花雕蛋蒸虎蝦球虎蝦球爽口彈牙！底層嘅蒸蛋每一啖都散發住淡淡嘅酒香，風味獨特～✨拔絲咕嚕肉咕嚕肉味道酸酸甜甜，外皮香脆，內裡柔軟！輕輕一夾就可以感受到強烈嘅拉絲效果！呢道菜真係將每一啖嘅美味都發揮得淋漓盡致～✨香煎一夜鮮馬友魚馬友魚外層酥脆，魚肉味道鮮美，配搭埋豉油同埋香蔥絲一齊食，提升咗整體嘅層次～✨蝦子花膠濃雞湯 拌菜苗 手工拉麵花膠係真材實料，口感軟腍！手工拉麵配搭鮮嫩嘅菜苗加埋濃厚嘅雞湯，超正～✨芋茸燉鮮奶燉鮮奶好似布甸咁滑，底層仲有綿密嘅芋茸！用呢個甜品作結，大滿足～…查看更多