影片
更多
2021-06-22
83 瀏覽
諗唔到食乜，最後又去咗食日本嘢，日本嘢真係成日食都唔厭！海之逸魚生丼 $108 🐟一碗飯可以試到幾款魚生刺身，有甜蝦、帶子、北寄貝、油甘魚、蟹柳、蟹籽等，全部都幾新鮮，另外仲有玉子及青瓜。呢度嘅醋飯比較特別，落左一啲飯素，所以食落味道更豐富。.石燒鰻魚炒飯 $95 🍚炒飯用熱石鍋上，熱辣辣聞到好香。炒飯落咗類似照燒汁嘅調味，甜甜地口感濕潤，鰻魚塊都幾肥美，鍾意佢加左粟米粒，更有咬口。食到底有飯焦好香口。.汁燒魷魚筒 $68 🦑魷魚筒大大隻，肉質彈牙，表面燒到焦香，嗰汁同石鍋鰻魚炒飯嘅味道有啲似，都係甜甜地，仲加埋泰式甜辣醬更加惹味。.總括而言：餐廳有好多唔同種類嘅日本料理，有壽司、刺身、卷物、魚生丼、燒物、鍋物、揚物、拉麵等等。食物味道唔錯，下次再去試吓其他菜式。
諗唔到食乜，最後又去咗食日本嘢，日本嘢真係成日食都唔厭！
海之逸魚生丼 $108 🐟
一碗飯可以試到幾款魚生刺身，有甜蝦、帶子、北寄貝、油甘魚、蟹柳、蟹籽等，全部都幾新鮮，另外仲有玉子及青瓜。呢度嘅醋飯比較特別，落左一啲飯素，所以食落味道更豐富。
.
石燒鰻魚炒飯 $95 🍚
炒飯用熱石鍋上，熱辣辣聞到好香。炒飯落咗類似照燒汁嘅調味，甜甜地口感濕潤，鰻魚塊都幾肥美，鍾意佢加左粟米粒，更有咬口。食到底有飯焦好香口。
.
汁燒魷魚筒 $68 🦑
魷魚筒大大隻，肉質彈牙，表面燒到焦香，嗰汁同石鍋鰻魚炒飯嘅味道有啲似，都係甜甜地，仲加埋泰式甜辣醬更加惹味。
.
總括而言：餐廳有好多唔同種類嘅日本料理，有壽司、刺身、卷物、魚生丼、燒物、鍋物、揚物、拉麵等等。食物味道唔錯，下次再去試吓其他菜式。
張貼
