影片
更多
2023-07-14
1585 瀏覽
好耐冇食韓國菜，最近見到唔少人推介呢間係銅鑼灣Fashion Walk嘅교자상Gyojasang，環境走型格高檔路線😎😎同一般係香港見到嘅韓國餐廳好唔同，菜式之中亦有不少較高檔、fusion嘅選擇。Gyojasang係韓文意思係交子桌，係韓國傳統方形餐桌，係特别場合會放滿各種各樣豐富菜式。呢間餐廳嘅菜式都係大大份勁吸引😍😍每道菜份量十足，適合叫多啲人一齊share就更抵食😏餐牌仲有唔少韓國米酒、燒酒等酒水選擇，夜晚嚟把酒談歡都幾chill🍻辣漬前菜食韓國菜點少得漬物，有分辣同唔辣2個options，辣嘅版本有泡菜、魷魚絲同魚塊，辣度較低比較合家歡，泡菜大大件好爽口😗😗韓式生牛肉生牛肉我都幾鍾意🥰不過香港唔係好多地方有。呢度都做得幾好食😋😋將生蛋黃連同松子、乾蔥、泡菜、雪梨等配料同生牛肉撈勻，食到軟滑牛肉之餘亦食到爽口配料，酸酸地嘅味道特別開胃👍🏻莫薩里拉芝士排骨鍋新推出嘅鍋物，3件巨型排骨加上海量芝士🧀一上枱見到已經心心眼😍😍店員細心地即席將排骨裹滿拉絲芝士，食落啖啖肉，肉質厚實，醬汁香甜，加上芝士鹹香，鹹甜味道都唔錯。食完啲排骨都要繼續食埋啲燶燶地嘅芝士先正🤪🤪魚子紫菜蛋卷份量極之豐
辣漬前菜
食韓國菜點少得漬物，有分辣同唔辣2個options，辣嘅版本有泡菜、魷魚絲同魚塊，辣度較低比較合家歡，泡菜大大件好爽口😗😗
韓式生牛肉
生牛肉我都幾鍾意🥰不過香港唔係好多地方有。呢度都做得幾好食😋😋將生蛋黃連同松子、乾蔥、泡菜、雪梨等配料同生牛肉撈勻，食到軟滑牛肉之餘亦食到爽口配料，酸酸地嘅味道特別開胃👍🏻
莫薩里拉芝士排骨鍋
新推出嘅鍋物，3件巨型排骨加上海量芝士🧀一上枱見到已經心心眼😍😍店員細心地即席將排骨裹滿拉絲芝士，食落啖啖肉，肉質厚實，醬汁香甜，加上芝士鹹香，鹹甜味道都唔錯。食完啲排骨都要繼續食埋啲燶燶地嘅芝士先正🤪🤪
魚子紫菜蛋卷
份量極之豐富，顏色幾靚😻蛋卷口感幾鬆軟，本身味道較淡，要加埋面頭嘅三文魚子一齊食增添鹹鮮味道。
韓牛飯
石頭鍋飯都食唔少，呢個比較特別，用韓牛🐮做主打，份量都幾多，牛味濃郁，雖然係全熟但肉質剛好👍🏻有咬口卻完全唔嚡。用紅米飯、香蔥、蛋黃等撈勻，熱辣辣食好滿足。中間仲食到啲脆脆地嘅配料，食到底仲有靚靚嘅飯焦🥳🥳口感豐富。
荔枝梳打、菠蘿梳打
夠大杯好refreshing。入面真係有唔少荔枝、菠蘿果肉🍍可以食埋。
人均消費：$530
推介指數（10分為滿分）：8分
張貼
