泰簡單

營業中

休息中

同同事行完銅鑼灣SOGO買嘢之後有啲肚餓就決定約埋一齊去之前食嗰間泰國菜餐廳食晚餐。醃鳳爪鳳爪非常爽口，食辣嘅人應該會超級鍾意因為真係越食越辣非常過癮。酸辣排骨湯呢個酸辣排骨有分size可以嗌，我哋就叫咗個細size，呢個湯飲落有啲似冬陰功嘅味道，不過餡料就轉咗做排骨，飲落酸酸辣辣非常開胃，飲完個人感覺即刻暖晒。馬拉盞炒通菜食泰國菜必點餸菜之一，啲通菜炒得非常有鑊氣食落好惹味。泰式炒米粉呢個炒米粉非常之大碟入邊啲餡料有雞蛋，豬肉同埋有啲蔬菜，雖然材料非常之簡單，但係真係令人食唔停口。