金金日式燒肉店

營業中

休息中

本來諗住銅鑼灣單叫燒肉一定貴，但搵到呢間又好抵。兩個人叫左個餐，$698 會員$538兩個前菜好開胃，蟹籽龍蝦好爽口，冰冰涼涼好舒服，沙律🥗有金目鯛刺身，刺身好鮮好味。去到主菜，總共有6款肉，3款海鮮，當日無龍蝦轉左鮑魚，鮑魚好細心切左同配牛油錫紙盤。食落好新鮮。值得一讚係佢唔係上hea肉，某啲肉例如雞肉係醃左香草，燒完仲好香香草味。留返每人一塊和牛最後食，滿口油脂，燒肉黎講A4差唔多，A5會太膩。燒完肉就上蔬菜盤，下次先得一齊上更好，食下肉食下菜～最後就上黑松露和牛炒飯，飯粒分明，乾身加上黑松露好香。再加上奶凍，食完就好圓滿喇。個餐唔包嘢飲，如果想飲酒可以另外叫～