金金日式燒肉店

真係一分都畀多佢 首先嗌咗個vip二人套餐 每款用得兩塊 雞翼兩隻蝦有兩隻跟住一抽嗰啲唔知咩牛肉 如果你話好好食頂級牛肉我都仲另外計算但係問題佢啲牛肉係一啲好普通嘅牛角兩百幾蚊套餐質素嘅牛肉，炒飯唔好食不過乾字 甜品呀更加之不知所謂 冇奶味得個甜字 基本上佢所有嘅嘢我真係咁大個人都未見過可以係咁難食嘅燒肉 你人哋一般嗰啲 平價燒肉放題嘅肉質都追唔上竟然都夠膽收人哋 計埋加一六百幾蚊埋單， 唔怪之得夜晚最旺嘅時間竟然得嗰兩台客食緊嘢成場好似死場咁少人應該大家都中過一次伏之後就唔會再嚟 所以奉獻各位真係要睇埋啲負平先好去食…查看更多

呢間位於銅鑼灣嘅金金日式燒肉店，環境非常舒服，有Bar枱同埋卡位，勁有日式風情！呢度啲店員都好有禮貌！放工喺度同朋友食餐飯真係好舒服😍秘製溫室青瓜青瓜清甜又爽口，配合埋呢度秘製嘅醬汁，甜甜地，入口好舒服，係一道幾開胃嘅前菜🫶🏻意大利香草雞腿肉雞肉嫩滑，香草味完全融入咗雞腿入面！熊本A5和牛(肉眼）呢個A5和牛真係大推，入口即溶嘅感覺，油脂分布非常平均，冇諗過喺香港都食到呢種口感，而家仲要做緊激安價，$168就已經可以食到，食完即刻想再encore🫣五色胡椒一口牛舌 牛舌都非常香嫩，花椒同胡椒味都好突出，配合埋牛舌本身嘅爽口，非常推薦👍🏻溫泉蛋紫菜丼食燒肉點可以唔食紫菜飯！紫菜香口，溫泉蛋融入飯入邊，真係超鍾意呢個口感，每次食燒肉我都必點！…查看更多

試咗佢哋嘅「極上盛宴二人前A餐」，貪佢乜都有啲咁。整體嚟講，呢個價錢有呢個質素算係幾好。個Set選擇都幾齊全，牛舌、和牛、豬肉、雞肉、蝦、鮑魚、帶子都有。和牛油花分佈算靚，又唔會太膩。牛舌都係必試之選，燒到微微焦香，咬落又彈牙又多汁。仲有個蔬菜盤，食完肉可以解下膩。前菜櫻花龍蝦沙律豆腐同金目鯛刺身沙律都好新鮮，幫助解膩之餘又幾開胃，份量都足。最後個草莓牛乳凍奶味濃郁，係個好好嘅結尾。環境舒適，地方寬敞。…查看更多

星期一晚係一個Blue Monday咁今日就同朋友去銅鑼灣一間都幾出名嘅燒肉舖食叫做金金 去位置超方便地鐵站一出嚟F1出口行1分鐘就到 叫咗佢個二人套餐超抵食，終於樣樣嘢啲質素都好好 首先講吓個豆腐不過不失 然之後講吓個沙律都係好新鮮 之後嚟咗個拼盤啲蝦同埋帆立貝係好彈牙 唔會話燒完之後好差同好霉 睇得出係好新鮮！之後個燒肉反而令我覺得好意外，因為通常燒親啲豬肉燒出嚟都會好嚡 但係佢竟然仲好好入口 啲雞肉我就唔鍾意佢啲醬汁 我超鍾意佢個牛舌入口即溶 然之後嚟咗個蔬菜拼盤佢蔬菜拼盤係配咗啲牛油燒一燒就可以揼落去繼續燒 呢個就正正常常 啲粟米都幾甜嘅 最後嚟咗個黑松露和牛炒飯都幾大兜下食到後尾已經飽飽地 另外仲嗌咗兩杯白桃梳打！ 食燒肉一定要嗌蘇打！超級爽 最後結尾包咗兩個奶凍 係自家製奶凍，上面有少少焦糖，又唔會話太甜啲奶味都好出色好重奶味！負責服務我哋個姐姐同叔叔都好有禮貌，一見到燶咗少少就幫我哋換盤。 下次會再同朋友嚟食，佢性價比都算高兩個人一個人平均都係300 已經可以食到好飽，同埋佢嘅肉同海鮮質素都好高！😍…查看更多

只有頭盤4片薄和牛。其它的根本是劣質牛肉。有些肉質根本咬吾爛。幾十蚊啲茶餐廳午市牛排套餐重嫰過尼啲所謂M9澳州和牛!想信老板睇到心中有數。希望能實事求事去改進質素。大家係有口認同此绝非M级和牛!如非以前幫襯過今日都吾會再來!…查看更多