影片
更多
2025-06-17
0 瀏覽
炎炎夏日坐喺冷氣底下打邊爐係件好爽既事，今次約咗朋友去新開張既台式火鍋店度食火鍋，環境就腳，見到都有唔少選擇，仲有1664生啤任飲！牛殿品食到飽套餐 $589今次揀選嘅係牛品食到飽套餐，套餐一開始要先揀湯底，十幾款湯底入面最後揀咗黑蒜黃金鍋，用豬骨做底再加入黑蒜同埋大蜆，湯底鮮甜。呢個牛殿品套餐包括有日本宮崎縣a5和牛、澳洲m9和牛肩胛肉、手切美國頂級封門柳和加拿大頂級牛板腱等等，肉類種類繁多。入面最鍾意就係宮崎縣a5和牛，和牛切到薄薄一片，肥瘦適中，加埋日本生雞蛋超美味！當然仲有其他海鮮啦，建議大家可以叫佢哋嘅鮑魚，煮熟咗之後肉質嫩滑易咬，鮮味十足。當然除咗qr code落單嘅肉類同小食外，外面都有自助吧可以揀選火鍋配料、炸物、蔬菜、飲品、甜品同飲品等。有花枝丸、蜂巢豆腐、魚腐、水餃等等。熟食方面就見到有肉燥飯、蒜泥青瓜、鹵水豬肚、蘿蔔、雞翼尖、茶葉蛋等等。套餐本身已經有包春陽茶事飲品同埋1664生啤無限量暢飲，1664生啤一大杯，入口有明顯麥香，飲落順口，配埋打邊爐一流。不得不提嘅係有得diy甜品食到飽，外面有自助雪糕區、芋圓甜品區，同埋可以整飄雪黑糖綿綿冰。見到佢哋嘅雪糕係用咗h
牛殿品食到飽套餐 $589
今次揀選嘅係牛品食到飽套餐，套餐一開始要先揀湯底，十幾款湯底入面最後揀咗黑蒜黃金鍋，用豬骨做底再加入黑蒜同埋大蜆，湯底鮮甜。
呢個牛殿品套餐包括有日本宮崎縣a5和牛、澳洲m9和牛肩胛肉、手切美國頂級封門柳和加拿大頂級牛板腱等等，肉類種類繁多。入面最鍾意就係宮崎縣a5和牛，和牛切到薄薄一片，肥瘦適中，加埋日本生雞蛋超美味！當然仲有其他海鮮啦，建議大家可以叫佢哋嘅鮑魚，煮熟咗之後肉質嫩滑易咬，鮮味十足。
當然除咗qr code落單嘅肉類同小食外，外面都有自助吧可以揀選火鍋配料、炸物、蔬菜、飲品、甜品同飲品等。有花枝丸、蜂巢豆腐、魚腐、水餃等等。熟食方面就見到有肉燥飯、蒜泥青瓜、鹵水豬肚、蘿蔔、雞翼尖、茶葉蛋等等。
套餐本身已經有包春陽茶事飲品同埋1664生啤無限量暢飲，1664生啤一大杯，入口有明顯麥香，飲落順口，配埋打邊爐一流。
不得不提嘅係有得diy甜品食到飽，外面有自助雪糕區、芋圓甜品區，同埋可以整飄雪黑糖綿綿冰。見到佢哋嘅雪糕係用咗häagen-dazs雪糕，今日有三隻口味分別係士多啤梨、雲呢拿藍莓馬卡龍同埋柚子檸檬馬卡龍，食客可以自己調節雪糕份量，側邊仲有脆筒可以加雪糕上去添！
張貼
