牛品台式火鍋

營業中

休息中

今日發掘左一間超正火鍋放題🤩係我哋生平第一次食放題食到100%飽都仲想繼續食🥹任叫日本宮崎縣A5和牛同澳洲M9牛肩胛肉已經夠晒吸引，仲要送每人一隻鮑魚，加埋任飲1664生啤，兼且冇限時，嘆左成晚，飽到差啲行唔到🤣我哋揀咗元氣養生鍋，蔘味恰到好處，甘香得嚟唔會蓋過牛味宮崎縣A5和牛同澳洲M9牛肩胛肉超超超級好食，油脂豐富，而且分布均勻，簡直入口即溶，而火鍋正好減低油膩感，我地起碼encore 左5、6次🥹牛舌心好爽口彈牙，就連其他牛肉、羊肉都好高質😋海鮮一啲都唔馬虎，除咗有廣島蠔，仲有青口，海蝦、蜆、墨魚仔等等，蝦嘅肉質好結實，好鮮甜。平時出街食蝦最怕無味或者霉嘅蝦，今次我哋試完一round要encore😆蔬菜同丸類都好多選擇，仲有好多台式小食，花枝丸同蝦滑都很不錯，但係我哋為咗留返啲quota俾A5和牛，其他丸類就冇乜試到🤣雖然平時我唔係好熱衷於甜品，但係呢度竟是有自助芋圓同綿綿冰，配料種類好多，好想全部試勻晒😩最後仲叫埋每人一杯春陽茶事飲品，完全係捧住個肚返屋企🫠

牛品無限時午市火鍋無限時午市火鍋的概念令人感到非常實惠，尤其適合牛肉愛好者😋😋😋隨心所欲咁享受高品質肉類同新鮮配料😆😆😆澳洲M9和牛澳洲M9和牛肉質極為鮮嫩，油花分布均勻🐂🐂🐂烹煮後既風味令人驚艷，入口即化，無論係涮煮定直接享用，都感受到其獨特風味🥳🥳🥳新鮮海鮮新鮮海鮮，肉質鮮美，搭配火鍋湯底，令每一口都充滿海洋鮮味🐙🦑🐟 其中魷魚仔同沙白都十分美味，提升左整體火鍋既層次感😛😛😛炸物炸物酥脆口感更加為火鍋增添唔同既風味，外皮金黃酥脆，內部鮮嫩🤩🤩🤩其中炸午餐內作為小食非常受歡迎，令人一試成主顧🥰🥰🥰手工芋圓、仙草、椰果手工芋圓、仙草和椰果等多款台式甜品搭配更為火鍋餐後增添甜蜜感🤓🤓🤓口感Q彈，清新風味更令人感到愉悅✌🏻✌🏻✌🏻哈根達斯哈根達斯濃郁雪糕為用餐體驗增添實在既奢華感，並提供2種口味🍨🥧👏🏻非常滿足甜品愛好者需求😚😚😚自家制刨冰自家制刨冰清爽口感令人倍感消暑🤩🤩🤩非常適合係火鍋後享用，整體用餐體驗更加完美😍

夜晚嚟咗呢間牛品食火鍋放題，1830前入座就可以有早鳥優惠。我哋揀咗中間價位嘅牛御品吃到飽套餐，早鳥價每位$319已經可以食到澳洲M9和牛同USA Prime Beef放題，食足120分鐘。湯底有10款選擇，我哋就揀咗黑蒜黃金鍋，湯入面除咗有原粒黑蒜，仲有蜆。先講自助吧，分為4大區域，除咗有蔬菜、丸類等嘅自助火鍋配料區，仲有台式小食熟食區、甜品區同飲品區，無限量供應超過100款嘢食飲品。肉類嘅質素唔錯，重點當然係澳洲M9和牛肩胛肉，油花分佈平均，入口肉質非常之腍嫩。美國特級牛小排同美國頂級牛肩胛肉都唔錯，腍得嚟肉味香濃。其他仲有好似加拿大頂級牛板腱、美國牛胸腹、西班牙栗飼豬、新西蘭羊卷肉、花雕醉雞件等都係任食。除咗肉類，好似青口、蜆、海蝦、黑魚片呢d海鮮亦都可以任叫。我哋食嘅牛御品吃到飽套餐，仲有送鮮活鮑魚同春陽茶事手調茶飲一杯，我哋就叫咗桂花蜜烏龍同鳳梨蜜烏龍。送嘅鮑魚都幾大隻，夠新鮮，口感爽彈。呢到嘅甜品區有齊布甸、雪糕、豆腐花、芋圓等嘅甜品，仲有唔同嘅自助配料好似珍珠、西米、啫喱、寒天、桃膠等可以diy炮製自己想要嘅配搭。餐廳依家用App join會員就會有85折，食其中幾款放題

叫左2碟肉套餐 冇食任食午餐我叫左豬肉同牛肉 我同事叫左牛肉同海鮮一份肉係2碟 一定唔會唔夠食 海鮮係一份湯底加左錢叫鴛鴦鍋 滷水果個好好食 有蜆 蝦 份量都足夠自助區 同出面大部份火鍋店差唔多 都係丸 菜等值得去食嘅係甜品 有好多toppings 仲有芋丸 果肉 愛玉 飲品方面都係正常飲品 汽水 茶 果d 個人喜好雪糕係Haagen-Dazs 雖然唔係獨立杯裝 自己鐘意幾多就幾多 而且勝在可以食完再食 以98蚊 2款肉 其實係4碟肉嘅午餐黎講 絕對冇得輸

炎炎夏日坐喺冷氣底下打邊爐係件好爽既事，今次約咗朋友去新開張既台式火鍋店度食火鍋，環境就腳，見到都有唔少選擇，仲有1664生啤任飲！牛殿品食到飽套餐 $589今次揀選嘅係牛品食到飽套餐，套餐一開始要先揀湯底，十幾款湯底入面最後揀咗黑蒜黃金鍋，用豬骨做底再加入黑蒜同埋大蜆，湯底鮮甜。呢個牛殿品套餐包括有日本宮崎縣a5和牛、澳洲m9和牛肩胛肉、手切美國頂級封門柳和加拿大頂級牛板腱等等，肉類種類繁多。入面最鍾意就係宮崎縣a5和牛，和牛切到薄薄一片，肥瘦適中，加埋日本生雞蛋超美味！當然仲有其他海鮮啦，建議大家可以叫佢哋嘅鮑魚，煮熟咗之後肉質嫩滑易咬，鮮味十足。當然除咗qr code落單嘅肉類同小食外，外面都有自助吧可以揀選火鍋配料、炸物、蔬菜、飲品、甜品同飲品等。有花枝丸、蜂巢豆腐、魚腐、水餃等等。熟食方面就見到有肉燥飯、蒜泥青瓜、鹵水豬肚、蘿蔔、雞翼尖、茶葉蛋等等。套餐本身已經有包春陽茶事飲品同埋1664生啤無限量暢飲，1664生啤一大杯，入口有明顯麥香，飲落順口，配埋打邊爐一流。不得不提嘅係有得diy甜品食到飽，外面有自助雪糕區、芋圓甜品區，同埋可以整飄雪黑糖綿綿冰。見到佢哋嘅雪糕係用咗h

黎到金朝陽中心二期「牛品」點左無限時既「牛殿品吃到飽」火鍋放題🥘🥢青花椒和牛鍋做湯底，自己加花椒調麻度，湯頭麻香微辣，愈滾愈香濃，涮牛肉完全帶出和牛嘅油脂麻香，超夾！ 最鍾意日本宮崎A5和牛🥓大理石雪花紋靚，輕涮3秒肉質香嫩，食左10碟都唔膩！🥓澳洲M9和牛肩胛，肉質實淨牛味濃，帶嚼勁！🥓手切美國封門柳、牛脷心托軟嫩，加拿大頂級牛板腱、一口和牛、豬梅肉等，肉類十多款都試唔哂！鮑魚每位一隻新鮮彈牙，大大隻。廣島蠔、大蜆鮮甜。台灣食品小食款式多，水蓮菜爽脆、麻辣鴨血嫩滑入味、大腸包小腸糯米吸晒油香，仲有牛三寶、烤椒皮蛋豆腐、椒鹽蝦、椒鹽粟米、地瓜球，食到停唔到口！留肚食甜品DIY綿綿冰🍧十多款配料任加，黑糖珍珠+煙韌芋圓+茶凍+爆珠寒天！ 仲有Häagen-Dazs任食🍦飲品除咗自助櫃既罐裝汽水、茶飲。 仲任點1664生啤🍻🍻飲兩大杯配辣鍋超爽！ 每位有「台灣春陽茶事」手搖飲1杯，鳳梨烏龍茶有埋果肉好fresh🥤無限時真係加分！7點食到10點，慢慢食足廿幾碟牛唔使趕！$500幾蚊位食到A5和牛+海鮮+手搖飲+啤酒。大推青花椒鍋，麻香同和牛真係絕配

牛品算是我暫時為止，食過同級數最好食的牛肉火鍋放題。尖沙咀分店食過好多次了，新店開到銅鑼灣，之前食開2個鐘，總是不夠盡興，現在這個“牛殿品”無限時晚市火鍋放題，簡直正中下懷。這個套餐可以無限量任點任食A5日本宮崎和牛🐂，最適合作為牛魔王的我。如果喜歡喝兩杯的，無限暢飲1664生啤🍻最最適合，一整晚，喝着酒，聊着天，寫意。位位送新鮮鮑魚／頭盤A5和牛，油花好好，未開始已經期待值拉滿😋。有好多款湯底可以選，最後選了元氣養生鍋，火鍋也是可以吃得很健康。湯底白得像牛奶，裏面有好多藥材跟雞塊，真的名符其實的夠養生。🐂牛肉✴️日本宮崎縣A5和牛：下定要無限翻點，油花好均勻，靚到爆，入口軟滑，油香滿溢。✴️澳洲M9和牛肩胛肉：牛味濃，軟滑中帶有咬口✴️美國特級牛小排：燒肉最喜歡的部位，火鍋薄切也好吃。✴️美國頂級肩胛肉：比澳洲和牛更有咬口。✴️加拿大頂級牛板腱：筋肉均勻，軟中又爽滑。✴️美國牛胸腹：脂肪多，比較像普通肥牛，可不點心可以留肚吃A5和牛。✴️手切美國頂級封門柳：牛味最濃，有牛內臟的濃郁香味。✴️牛脷心托：可點可不點，有點爽口。✴️一口和牛：牛味也濃。除除了牛肉，西班牙豬及新西蘭羊肉也是任吃，喜歡的別錯過，

無限時 晚市火鍋放題可以由5點食到10點😋其實都唔夠時間食因為實在太多款式有A5日本宮崎和牛多款台式小食 甜不辣 炸地瓜球 地瓜條蝦片 椒鹽粟米 仲第一次見有大腸包小腸宜蘭蔥餡餅仲可以自製滷肉飯 蘿蔔 大腸滷到勁入味😍仲有多款海鮮可以揀 有鮑魚 蝦 青口 必食推介蠔 勁鮮味自助區有好多新鮮蔬菜 丸類 另外仲有DIY甜品 刨冰有好多款配料可以 推介黑糖珍珠 煙靭芋圓茶凍 仲有自家製雞蛋布甸 Häagen-Dazs雪糕任食 款式多到講唔晒😍飲品方面都好有心思 除咗可以喺自助區拎到冷泡茶 仲可以飲春陽茶事手搖飲品仲有1664啤酒可以任飲😋真係飲飽食醉 飽到上心口 真係五個鐘都食唔晒咁多樣😋

今次我哋叫咗牛殿品- 無限時段：由5點到10點半- 無限生啤任飲（1664生啤Free Flow無限量暢飲！）牛殿品可以同朋友過嚟chill 成晚我哋今次要咗蟲草花白玉藏珍鍋做湯底仲有一人一隻新鮮活鮑魚-日本宮崎縣 A5和牛 - 澳洲M9和牛肩胛肉 - 頂級美國肩胛肉 - 加拿大頂級牛板腱 - 精選美國牛胸腹 - 手切美國頂級封門柳 - 美國特級牛小排- 水連菜- 小食 - 台式滷水豬 - 紐西蘭羊卷肉 - 台灣香腸 - 大腸包小腸 - 鮮滑黑魚牛肉質量極高，特別是A5和牛，口感嫩滑！我留意到佢個雪櫃做得好好呀，保持住溫度，而且每一個食物櫃都係滿。最緊要佢有一張甜品枱俾大家自製台式甜品，超開心。仲有一個刨冰機，呢啲都係10分特別。十分推薦大家試食呢個套餐

今日第一次黎銅鑼灣分店打邊爐，之前係佢地尖沙嘴分店食過，覺得ok，見銅鑼灣呢間新開又近近地就試下。佢地嘅服務真係抵讚！由我地攞位嘅時候就感受到佢哋嘅服務態度好好，reception個姐姐好好笑容，佢介紹Menu好詳盡，令我哋好快就睇得明個Menu，仲講埋俾我哋聽做會員有迎新優惠有幾個餐有九折，完全唔hard Sell，我哋最後揀咗父親節餐，個餐係食日本和牛，牛肉質素good，入口夠腍夠滑。佢哋嘅櫻花蝦湯底好正，夠濃夠蝦味，推介大家可以試吓！小食都有好多款式，仲要好食嗰吓先夠抵死，甜品選擇亦都夠多，可以自己DIY芋圓糖水加雪糕，夠好玩！我哋一路食佢哋嘅侍應一路幫我哋收走啲碟，令我哋有多啲空間食嘢，feel到係有服務嘅！最後我哋埋單走嘅時候，reception個姐姐提我哋用恒生嘅卡買單有coupon攞返，仲會問返我地用餐體驗，feel到佢care我哋食得開唔開心，好少喺放題餐廳感受到人情味，仲俾咗個coins我哋夾公仔，好易就夾到。我哋帶住脹卜卜嘅肚仔，同埋夾到嘅牛仔公仔好開心咁返屋企。下次一定會再嚟！

牛品火鍋真係好正呀！🤩有無限時晚市火鍋放題，仲有1664生啤無限量暢飲！🍻日本宮崎縣A5和牛🥩、澳洲M9和牛肩胛肉、美國特級牛小排、美國頂級肩胛肉、花雕醉雞件🐓、海蝦🦐、蜆等等都係任食唔嬲！仲送鮮鮮活鮑魚同毎位一杯指定春陽茶事！🧋湯底我揀咗剝皮辣椒雞鍋🥘，下次要試埋其他總共十款湯底！鐘意食飯嘅朋友都可以試吓佢哋嘅滷肉飯🍚～除咗蔬菜以外其他都可以QR code 落單，有多至二十款台式小食揀，淨係麻辣鴨血🩸都食咗三碟🤣甜品仲有芋圓珍珠自助刨冰🍧，勁多配料揀，我落咗啲我至愛嘅寒天、花奶、軟糖、鮮果🍉、朱古力碎🍫⋯我好滿意呢個組合，食到勁滋味！😋最後仲食咗two scoops haagen dazs雪糕🍦，呢餐勁滿足！👍🏻

今天首試午市火煱，以每人$89而言，性價比算高。食物種類多元，可選豬、牛、雞，還有大量台式小食、飲品、甜品及雪糕，相當飽肚，加上一人一鍋，乾淨衞生。不過，用餐時間只得1小時，相當急趕。侍應哥哥（好似叫Tony)服務態度良好，禮貌待客，不是個個做到。

端午節同朋友食飯，揀左呢間打邊爐，我地揀左第三個level食澳洲m9，前台姐姐好好禮貌，好細心介紹menu,坐底之後位置都算寬敞唔會逼，但係出去自助拎菜嗰個位置真係好窄，人又多，想要拎菜真係夾硬逼入去拎。牛肉質素還好，不過不失叫做對得住個價錢，湯底好食嘅，我地揀左養生鍋，啲湯滾起嘅時候候都有好香嘅藥材味。食物上冇乜大問題，但最想講係佢地服務態度真係唔掂！我地食到差唔多尾聲，朋友想叫埋嗰杯送嘅嘢飲，發現落唔到單先知原來夠鐘前半個鐘就截單，喺我哋食嘢嘅中途完全冇人提過我哋，ok小問題，可能人哋有講我哋冇聽到啦。我哋食得最唔開心嘅位係，當夠鐘嘅時候，有個侍應過嚟趕我哋走，西口西面態度極差，我哋又唔係唔走，睇返張單我哋都冇過鐘，做得服務業但係0服務！對呢間嘢嘅服務體驗真係差，由頭到尾得前台個姐姐係有禮貌，講嘢溫柔聽落舒服，至少應該好似有咁嘅服務態度先係正常，體驗過一次咁差嘅服務就夠，冇下次。

銅鑼灣《牛品》店面積超级大，自幫區有多款美食。首先，講下綿绵冰。因自助火鍋場就去得多，但係，吾係間間有得自助製冰，兼且好好玩，又好味。玩法就係先倒一杯水入製冰機，然後部機會自動造出綿花似嘅冰。再可按自已喜好加入甜食，例如: 啫喱、椰果、愛玉、菠蘿、桃、桃膠等食材。 今次打邊爐嘅湯底係「紅燒一品鍋」，肉味香濃。肉類方面有: 澳洲M9和牛肩胛肉、美國特級牛小排、精選美國牛胸腹、加拿大頂級牛板腱、西班牙穀栗飼豬五花、西班牙粟飼豬梅肉。樣樣肉類都係高質素，鮮嫩無比，吾係 hie 你。而海鮮就有蝦 、青口、蜆 和 魚，十分新鮮。仲有提供雪糕，有四款哈根達斯任你拎。📍銅鑼灣 金朝陽中心一樓

5月17號同女朋友去食晚飯，我係網上訂位。去到既時候早左少少，等到差唔多8點半先入去，服務員都幾好人提早少少比人入去。態度方面：1. 首先坐位既冷氣唔夠，第一次打邊爐可以熱到係咁出汗。有位附近既先生問職員可唔可以大少少冷氣，職員回答調教唔到冷氣既態度有少少差。大約就係「個冷氣教唔到，我都好熱，真係教唔到唔好意思」就另轉頭走左去。2. 一間以合作芋圓為主題既火鍋店，竟然話花奶無哂貨。問個職員仲有無花奶，職員既回答：「冇，冇，冇哂呀，冇哂貨」態度極差，無哂貨都算，唔係咁樣答個客呀？ 3. 單都未截出面啲野食就收哂，可能大家會話人地都要收工，都唔係10點未到就收哂？更何況你間野收11點？4. 啲碟收得都幾慢。得開頭10分鐘收好快。唔止我地，有其他顧客將碟疊到好高都無人收既情況，有啲服務員係無野做緊都係唔收野，服務方面真係一般般。抵食/食物方面：食物黎講都算係新鮮，例如：娃娃菜，生菜，冬瓜等等。但係比較多收費項目，例如：珍奶之類既手搖。所以未算好抵食，但可以值得一試。肉類一碟唔算好多，肉都偏薄。不過落單無冷卻時間，如果唔夠即時再叫就可以，出餐速度都算正常。環境/衛生方面：首要問題都係冷氣唔夠，