金金日式燒肉店

營業中

休息中

今日同老公去銅鑼灣睇戲，老公話想食燒肉就搵到呢間SOGO對面嘅金金燒肉，餐廳座位闊落晏晝有唔同嘅燒肉午餐，我哋叫咗安格斯三品盛同埋M9和牛拼牛肋套餐，套餐包括沙律、麵豉湯、白飯、飲品同埋爐邊蛋。小食方面亦都有特價，我哋叫咗厚切豆腐燒同埋麻辣牛舌串，豆腐需要再整熱配上酸酸甜甜嘅醬好惹味，牛舌亦都辣辣地質地好腍。牛肉方面肉質都好新鮮，安格斯牛有肉味都有咬口， M9和牛就比較腍，肉味亦都唔錯。整體嚟講度環境舒適而且午市免加一服務費，食物服務都唔錯下次可以試其他套餐。