岩鹽日本料理 (利舞臺廣場) (已結業)

星期三老細放假已經無mood做野，即興約左個好耐冇見既朋友係銅鑼灣食個lunch，揀左呢間位於利舞臺既岩鹽日本料理，12點幾去到幾乎坐滿哂人，午市定食價錢都算親民，朋友叫左佢地既招牌菜日式釜飯，我就揀左個刺身定食🌟蒲燒鰻魚釜飯 ($158)釜飯定食會有味噌湯、沙律、刺身 (三文魚、油甘魚同帶子)及漬物，釜飯即叫即整所以要耐心等候，師傅放左多款配料，包括: 銀魚仔，栗子肉，冬菇，枝豆粒，牛蒡絲，加入魚湯慢煮，上枱時店員會比個沙漏你計時，夠鐘就打開蓋食得啦，鰻魚肉好肥美唔會有細骨，燒汁送飯就最正🌟雜錦刺身定食 ($178)我呢個刺身定食都好高質，有齊哂我最鐘意食既魚生，全部刺身都係厚切，有赤身、三文魚、油甘魚、帶子同甜蝦，三文魚好肥美，雖然話係赤身但望落似中拖羅，油花都幾高，做到入口即溶既感覺，帆立貝厚肉爽彈，茶碗蒸同味噌湯都好正，食到好滿足，下次再試下佢地其他set lunch