銀杏館 (已結業)

今晚係朋友舉辦壽宴嘅大日子, 下午同朋友玩「忙裡偷閒」, 一齊請半日假去Art Jam吓... 偷閒前仲不忘偷食... 嘩咔咔咔... 搵咗幾間近Art Jam畫廊嘅餐廳, 銀杏館屬首選!!! 我地去到銀杏館都已經2點, 餐廳內空無一人, 行埋門口想推開度門, D銀杏職員揮晒手好似SAY NO咁... 攪咗一輪, 原來係仲有得食嘅, 哈哈, 真係一個好大嘅誤會... 一人o黎一客Set Lunch... 精選餐湯--什菜湯, 好多菇... 朋友就讚, 我就怕怕... 麵包條係原味, 如果有蒜蓉味或者芝麻味會啱我食多D... 新鮮有機沙律--D材料真係好新鮮, 唔係講笑... 用有機橄欖油同意大利陳醋做Salad Dressings, "合晒河車"... 法國煙鴨胸有機茄茸芝士薄餅--好好味呀~ 勁多鴨胸, 好香, 佢D茄茸同芝士分量好平均, 互相配合, 好MATCH, 唔係一味得大堆茄茸酸死你為止果隻... 份量仲超大, 我食咗5件, 迫朋友幫我食咗3件, 超飽呀~ 香煎紅鯛魚柳伴水煮蔬菜佐無花果陳醋汁--黐咗朋友一粒貌似魚蛋, 口感似木薯嘅不明物體... 伯爵紅茶--食飽飽嘆番杯檸檬