影片
更多
2022-04-08
124 瀏覽
喺等緊開返晚市堂食嘅日子，都想食下唔同外賣作為晚餐。金鶴拉麵本身香港都有幾間分店，好出名雞白湯拉麵同埋鰻魚飯，今次見到餐牌有限定推出嘅蟹湯拉麵，當然要一試！我哋兩個人就6點後order外賣自取，仲有8折優惠添。北海道極濃蟹湯拉麵$138個湯底真係童叟無欺，好濃郁嘅蟹肉香味，鮮味十足，而且最主要係佢裏面真係有粒粒蟹肉，無論係湯底定係表面都有好突出嘅蟹香；真係要趁着限定期間去食！唔知做到幾時雞白湯拉麵 $98呢款不嬲都係佢哋招牌，仲有一款$138就係特濃，我哋就揀Basic款，雖然唔係特濃，但係其實都好香濃。 呢款就齊晒叉燒及慢煮雞胸，叉燒調味適中唔會太鹹；慢煮雞胸就直頭好食過好多拉麵店，比較滑身少少。湯底同樣推薦！浦燒活鰻魚串$68因為想食鰻魚但係又冇嗌到佢個鰻魚飯，就叫返轉鰻魚串過下癮，呢張相可能有少少矇但係可以遠處都睇到裏面師傅即叫即燒，非常新鮮，而且口感好爽脆，真係用最新鮮嘅活鰻魚製作絕對對得住價錢。環境及餐牌
我哋兩個人就6點後order外賣自取，仲有8折優惠添。
北海道極濃蟹湯拉麵$138
個湯底真係童叟無欺，好濃郁嘅蟹肉香味，鮮味十足，而且最主要係佢裏面真係有粒粒蟹肉，無論係湯底定係表面都有好突出嘅蟹香；真係要趁着限定期間去食！唔知做到幾時
雞白湯拉麵 $98
呢款不嬲都係佢哋招牌，仲有一款$138就係特濃，我哋就揀Basic款，雖然唔係特濃，但係其實都好香濃。 呢款就齊晒叉燒及慢煮雞胸，叉燒調味適中唔會太鹹；慢煮雞胸就直頭好食過好多拉麵店，比較滑身少少。湯底同樣推薦！
浦燒活鰻魚串$68
因為想食鰻魚但係又冇嗌到佢個鰻魚飯，就叫返轉鰻魚串過下癮，呢張相可能有少少矇但係可以遠處都睇到裏面師傅即叫即燒，非常新鮮，而且口感好爽脆，真係用最新鮮嘅活鰻魚製作絕對對得住價錢。
環境及餐牌
張貼
