黃金冰室 (石蔭路) (已結業)

依條石蔭路既茶記數量多得好緊要，依排又有間新茶記，於是去試下。依個位置之前係間專比大陸人做團餐既餐廳，咁好既位置都拍晒烏蠅。依加轉番做間冰室，配合光鮮既裝修，吸引唔小街坊去食。今日等我閑日去試下佢早餐，都幾平，33$有交易，凍飲加$2。都幾多common茶記花款。我叫左火腿奄列+丹麥多士+雪菜米+凍奶茶=盛惠$35蚊火腿奄列：既炒，好多料，個蛋幾香。丹麥多士：甜甜地咁，幾鬆脆雪菜米：佢碗米粉好大碗，雪菜入面有啲蝦米，幾好，米粉幾軟熟凍奶茶：茶味濃，幾好飲整體上野食幾好，啲碗碟設計都好衛生，唔會比店員掂到碗邊另外想讚下店員細心，搭枱有個呀婆睇唔到字，店員讀晒個餐牌比呀婆，仲幫佢拎埋餐具。