影片
原來轉咗手但冇改舖名「茶樂」，幫襯咗幾次先留意到單咗叫茶樂。問咗收銀話個廚冇變，開頭冇為意轉手原因食食品水準一樣，味道都冇大變。過年果排去，湯又咸，又好似唔夠賣加水咁，D食品買相差咗，又縮晒水。餐牌都轉，價錢好似冇大加，或者加$2-3。 但係餐內容就改晒，常餐加價又冇咗個麵。午餐出品仲嚇死，有次食雞排，切開入面涷嘅粉紅色。今日再比機會佢，食西冷牛扒，果塊牛扒好似大家X嘅早餐咁薄，又乾又細又薄。頂佢吖，之後再出幾碟經過見到，厚切又大塊，冇嘢呀🤬比一樣錢細一半份量。感覺好不良好！其實新轉手，都希望佢地留意返出品水準平均，唔好唔熟又大細不一份量，都想繼續幫襯有飯食啫！
繼續閱讀
聖誕節下午茶時段黎到黃金冰室，人唔多，上菜速度快。花生西多士，包厚醬多，半煎炸至外皮黃金色，少少蛋香，倒晒d蜜糖再揸埋d牛油，好邪惡。😈凍檸茶有五片檸檬，夠晒味，唔係百分百沖劑沖出黎。
繼續閱讀
晚市小菜，蒸魚等左40分鐘，椒絲腐乳通菜仲勁，等左1個鐘13分鐘都未有，最後取消計飲品待應真係慘係咁俾人問，待應都好好禮貌係咁講唔好意思，都唔關佢哋事又唔係佢哋煮半年前都試過一次出菜等9個字就無再嚟過，事隔半年都係咁？
繼續閱讀
前日 (20-3-2022 Sun) 朝,同老公送嘢俾叔叔一家,諗住喺佢屋企附近食個早餐,我search到Flying B Coffee(https://www.openrice.com/zh/hongkong/r-flying-b-coffee-%E8%91%B5%E6%B6%8C-%E8%A5%BF%E5%BC%8F-r647236)開9:00am,於是走嚟,但其實我有啲懷疑,好少Cafe開咁早,而且係星期日,上openrice睇,冇電話打,我哋嚟到搵到佢啦,果然係冇開.我記得背後有呢間,於是走嚟,行上梯級就係佢喇,入到去啱啱冇乜位,最後坐喺一張大圓枱搭枱,呢間嘢其實都好大間,都有咁多人支持,勁.睇完menu,我哋都要$35.00嘅早餐A同B,分別要沙嗲牛肉通同仿鮑魚絲通,飲熱檸水同熱奶茶.兩杯嘢飲到嚟,我嘅熱奶茶口感滑,但茶味有啲澀,加返少少糖就好飲.味道:4分然後火腿庵列,黑松露炒蛋餐包到嚟,冇耐,兩個通粉都到埋.我先食黑松露炒蛋餐包,黑松露炒蛋好夠味,炒蛋嫩滑;餐包係甜甜地嗰隻,好耐冇食餐包喇. 味道:5分火腿庵列都正常冇問題.味道:4分老公嘅沙嗲牛肉通都好夠味,牛肉鬆軟.味道:4分仿鮑魚絲通都冇乜問題吖.味道:3分服務:好好,好有禮貌.
繼續閱讀
滿足的黃金意粉下午茶👍其實黃金冰室就喺我屋企附近，今日去食嘅係位於石蔭嘅黃金冰室，係香港咁多間近年開嘅冰室嚟講佢口碑一直都好，終於有機會再食🤪今次嚟到都係試下午茶，今次嗌咗$42嘅蛋黃卡邦尼蜆肉燴意粉，喺茶餐廳食卡邦尼意粉有蛋黃實在係好少見，一於試下👍卡邦尼意粉嚟到真係有一隻色水好靚嘅蛋黃喺頂，另外衣粉入面仲有好多雜菌炒埋，雖然係鮮肉燴意粉但蜆肉唔多，不過本人好鍾意食雜菌而且呢一碟入仲唔少，所以我都ok😆 卡邦尼汁加埋蛋黃，好Creamy好濃郁，雖然唔係完全傳統西餐嘅味道，有少少港式嘅感覺，但係茶餐廳可以做到呢個口感，實在係唔錯👍
繼續閱讀