Simplylife Bakery Cafe

點左個虎蝦扭紋粉，簡直不知所謂，嬲到要特登上黎打食評。成碟粉咬落係硬既，根本就未熟，仲食到d粉。食左幾啖諗緊要唔要同侍應講重新煮過既時候，聽到後邊既客人點左個意粉，同樣係未熟，佢地cancel左張單。就更加肯定個廚房係出左問題，於是嗌侍應過黎，點知個侍應望一望就拎轉面走去第二度抹枱。都算，叫過第二個女人過黎，佢望一望碟野，成碟收走，一句說話都冇講過。咁究竟係幫我煮過定點呢？咁我再叫另一個男侍應過黎同佢講，廚房如果唔係煮緊就幫我cancel佢，仍然係一句野都冇答過我。

等左一陣，我地頂唔順同個男人講我要取消碟野，佢就即刻同我講：「吓，廚房煮緊啦喎」，咁點解連續3個侍應都唔同我交代一聲呢？我即時埋左張單，野都唔想再食就走，埋單個陣個男侍應仲要好大力推隔尼個凳，連後邊枱客都問佢係咪發緊我地脾氣。

碟野已經難食，仲要食到受侍應既氣，我真係建議大家唔好去呢間餐廳！