Nardo's Cafe (已結業)

今晚想同男朋友撐枱腳。就去咗老友介紹位於旺角嘅樓上cafe....老友都提醒我話呢間cafe嘅食物非常有分量而且相當足料。我仲話唔使擔心。因為我同男朋友都係肥底。所以食極都唔夠。入到餐廳見到佢哋嘅佈置已經好有聖誕氣氛。而且入到去都感覺是非常浪漫。我同男朋友揀咗近窗邊嘅位置....可以一邊食飯一邊望街景。呢個忌廉蘑菇湯味道相當濃郁。而且裏邊有好多蘑菇。食落去相當有質感。呢個沙律裏邊有新鮮嘅蕃茄仔....食落去感覺清新。本來我同男朋友都以為呢個雞翼拼芝士薯條。都應該係細細碟。可能一人食少少。點知一上臺。我同男朋友都覺得堅勁。因為每人可以食三隻蜜糖雞翼。分量超級巨大。呢個西班牙焗海鮮意粉。有濃郁嘅芝士味配以大大只蝦仁。味道相當惹味。我同男友額外仲叫多一個.....鮮蝦帶子黑松露焗意大利飯。味道相當清新。而且個意大利飯有濃郁嘅芝士味有起絲嘅感覺。今餐真係不得了。佢哋嘅份量，真係非常十足。我同男朋友都食到飽一飽。再嚟多兩件飯後甜品。加埋一杯仙子花茶。簡直人生一大樂事。