源祖之味古早味蛋糕店 (已結業)

咁啱今日放工去一田買點零食到朋友家作客，途經「源祖之味古早味蛋糕店」，聞到香噴噴嘅出爐古早蛋糕。心知不妙😋又吸引我停低睇吓有冇收穫先~先睇吓今日限定款式，竟然有喜愛嘅皇室伯爵😍正喎！再跟手買埋個「海苔香口肉鬆」，小朋友或者年青人會比較喜歡這款口味。蛋糕非常聚手，有一定嘅重量，啱晒多人分享！皇室伯爵 - 幽香嘅伯爵茶味，唔會太甜，鬆軟又不失綿密口感，味道有層次，配一杯紅茶或者咖啡會更添風味。海苔香口肉鬆😍果然係皇牌口味，好受歡迎。厚厚的一層肉鬆，十分香口，同時有炒香嘅芝麻海苔，配搭天衣無縫。蛋糕鬆軟，蛋香十足，配合鹹鹹地嘅海苔肉鬆，一鹹一甜，特別滋味！臨走見到門口有標貼: 學生或長者有優惠（-$10）。購買份量可以係全條，半份或者輕食，有彈性適合唔同喜好者。