影片
更多
2016-07-23
6965 瀏覽
觀塘工廈不嬲都好多好野食，今次因為係同同學敘舊，所以特登簡左呢間以課堂為主題既餐廳試下晚餐，等大家互相取笑下對方返學時既蠢事都好哈哈！等位等左半個幾鐘終於到我地啦，因為係sell回憶，店面故意裝修到好舊式，殘舊既「書台」,每張「書台」都擺左一盞開唔著既台燈同小擺設，中間有一個擺滿漫畫既書架，滿足上堂偷睇漫畫既學生🙈，連侍應都係著埋校服做野，幾有誠意！餐牌上主要以台式便當同麵類為主，再加飲料我地四個人點左三個便當一個麵呢個是手工水餃（白菜豬肉）配酸辣湯麵$48個水餃食得出係自己整 都唔錯！酸辣湯麵唔太酸同辣 可能學生唔準食咁重口味掛，不過啲麵好彈牙。呢杯係熱檸茶，飲完你就可以拯救倒隻長頸鹿啦XD呢度既筷子做到鉛筆咁既樣 幾得意！點左個夜市香酥雞便當 $55又係每個set都配三樣前菜，啲雞幾入味！呢度雖然係台式餐廳 但唔知點解冇珍珠奶茶飲！唯有點一杯黑糖奶茶 幾好飲！好有茶味 又唔會太甜 呢杯一定要點！呢個台灣魯肉便當 $48其實台灣魯肉有好多種台北台南台中每個地區做既又唔太一樣，有啲偏甜，有啲偏咸而呢個魯肉其實係魯雞翼、蛋、豆干、牛𦟌同羅白，另外配一碗白飲，飯上有少少魯肉碎味道不夠重，應
等位等左半個幾鐘終於到我地啦，因為係sell回憶，店面故意裝修到好舊式，殘舊既「書台」,每張「書台」都擺左一盞開唔著既台燈同小擺設，中間有一個擺滿漫畫既書架，滿足上堂偷睇漫畫既學生🙈，連侍應都係著埋校服做野，幾有誠意！
餐牌上主要以台式便當同麵類為主，再加飲料我地四個人點左三個便當一個麵
呢個是手工水餃（白菜豬肉）配酸辣湯麵$48個水餃食得出係自己整 都唔錯！
酸辣湯麵唔太酸同辣 可能學生唔準食咁重口味掛，不過啲麵好彈牙。
呢杯係熱檸茶，飲完你就可以拯救倒隻長頸鹿啦XD
呢度既筷子做到鉛筆咁既樣 幾得意！
點左個夜市香酥雞便當 $55又係每個set都配三樣前菜，啲雞幾入味！
呢度雖然係台式餐廳 但唔知點解冇珍珠奶茶飲！唯有點一杯黑糖奶茶 幾好飲！好有茶味 又唔會太甜 呢杯一定要點！
呢個台灣魯肉便當 $48其實台灣魯肉有好多種台北台南台中每個地區做既又唔太一樣，有啲偏甜，有啲偏咸
而呢個魯肉其實係魯雞翼、蛋、豆干、牛𦟌同羅白，另外配一碗白飲，飯上有少少魯肉碎
味道不夠重，應該可以再魯耐啲，不過味道係唔錯既！
仲有呢碗紅燒牛肉飯，肉汁多，啲酸菜又令人更加開胃！呢個台式料理價錢便得黎都幾好食，唔怪得會咁多客，而且環境同服務都好高分！
張貼
