混亂拉麵 (已結業)

其實對這間店的興趣不太大，因為看到這麼大的一碗麵，已經覺得飽哈，不過老友想試，當然要陪佢一試啦！等左15分鐘到入座，係門外會有店員比定紙你落單，蒜、野菜、醬油同豚背脂粒都可最多加3倍，不過建議大家唔好貪心多太多，因為佢本身已經好濃味。我叫左碗有蛋既，只加倍蒜，湯頭幾濃，不過都幾油膩，佢用既拉麵唔似平時食果d，係扁身既粗麵，有d似扁身意粉既口感，而叉燒雖然肉質幾滑，但都係相當多肥膏！朋友叫左最簡單果款，加倍蒜同3倍野菜，份量明顯大左，但佢既野菜同我地想象有d出入，因為全部都係芽菜。總括而言，我認為又不至於難食，可能因為沒有期望沒有失望的原故吧，但我不太喜歡過於肥膩的感覺，有點讓人吃不消！