相信大家都明白想飲野嘅”癮起”
真係唔飲唔安樂🤪
但由於唔熟悉中西區
同時又揸住架車
一時之間好難搵😣
亂行之下見到了不起
就無考慮太多就衝入去上電！
入到舖頭有一個店員坐係cashier
即使得我地一pair客人
店員完全冇同我地有眼神交流或者打招呼
一副有單就做 冇都唔緊要嘅樣😥
而整個落單過程都冇聽過多謝/thank you
未飲野已經失望左一節
我地各自叫左一杯飲品
男朋友用$20買左一杯青檸+水
可能因為係特價menu item
所以味道非常平平無奇😶
而我就order黑芝麻珍珠鮮奶茶 (少甜走冰)
簡直驚為天人！
飲落係完全冇奶同茶味🤢
味道好似一杯珍珠水
飲左兩啖決定要同店員反映
店員立刻變得好積極😀
態度明顯同order嘅時候唔一樣
佢解釋可能用紅茶底會無乜味
提議整過一杯轉用烏龍茶底
可惜味道完全冇變🥶🥶
唯一可以讚珍珠係好煙韌彈牙
甜度亦恰到好處
最後我堅持唔到一半就放棄左
明白每間茶店味道特式都唔一樣
下次可能選擇店舖謹慎啲
