Rerere1001日式串燒 (已結業)

上年番咗日本3次，但今年工作太忙應該沒時間，勁懷念喺新宿行完夜街食串燒，食居酒屋嘅感覺。後來見到呢間新居酒屋係Causeway Bay 啱啱開業，就同同事放夜工之後「共」入去。都幾攪笑，有好多日本顧客，我都唔知道究竟係日本visitor 定還是喺香港居住嘅日本人... 但俾人嘅感覺，變得我好似係個小新宿裡面。間餐廳嘅食物水準，我都樣樣叫d，發覺佢全部同牛有關嘅都超正（牛舌、牛肩、一口和牛）嗰日經理同我講，黎咗批新鮮嘅生蠔，問我有冇興趣，我本身都有啲唔肯定，因為好少係居酒屋食生蠔， 之後發覺d 生蠔嘅勁肥！正！想再encore, 經理話冇哂～總括嚟講，同朋友同事收咗工，消遣輕鬆，宵夜飲酒吹水，打下牙膠，係Causeway Bay不二之選。