78
3
7
港鐵銅鑼灣站 F1 出口, 步行約3分鐘 繼續閱讀
電話號碼
46264827
開飯介紹
提供日式串燒和各式酒飲的店舖。地方寬敞,分室內和室外。酒有好多選擇,如梅酒、啤酒、清酒等,食品有關東煮、芋絲、海草等。 繼續閱讀
附加資料
雖然晚上時段日式居酒屋暫停堂食, 但日間的咖啡店Rooftop Café by Momentum Coffee照常營業, 如常提供一系列的咖啡、輕食、蛋糕。
營業時間
今日營業
全日休息
星期一至三
全日休息
星期四至日
18:30 - 22:00
公眾假期
18:30 - 22:00
付款方式
Visa Master AlipayHK 支付寶 現金 AE 銀聯
其他資料
網上訂座
Wi-Fi
酒精飲品
自帶酒水
切餅費
電話訂座
賞訂座積分
加一服務費
室外座位
當面支付
有關獎賞計劃
食評 (91)
禁堂食前夕,我帶朋友去咗銅鑼灣嘅日式串燒店食晚餐。「Rerere1001日式串燒」位於亨環22樓,亦即係頂層。大廈位置係喺F出口由京華中心(前Victoria’s Secret)直行到尾,路程五分鐘內,幾方便😉。餐廳防疫做到足,店員除咗指定動作量體溫外,亦會用噴霧幫客人全身消毒👍,令人好放心。再者,廚師同店員們全程帶住口罩,環境亦好整潔衛生。一坐低第一樣吸引到我嘅事係個餐牌,因為面頭寫住我個名🆔,感覺餐廳好重視客人!原來我打電話訂枱時,店員問我個名點串係有原因。未幾店員就問我哋之前有冇食過,然後再介紹菜式,我哋一於聽店員嘅話,嗌餐廳嘅招牌菜啦😜!明太子沙律拌炸紫菜($68),🥗明太子同炸紫菜放入一個雞尾酒杯嘅器皿內,同我想像中完全唔同🤣。因為落單時我幻想菜式係以炸紫菜做底,上面則塗上明太子醬。然而實際上明太子係以粒狀嘅形態呈現,個樣有啲似薯粒,口感超爽口,好得意,味道就微微辣,好開胃。留意番,明太子粒應該有成廿粒以上,所以我哋由頭食到尾先食得哂😎。但放喺後面嘅炸紫菜就麻麻哋,唔脆身,唔知係咪因為我哋放落咗先食?北海燒原隻帶子($68),帶子連貝殼上,但廚師會先行將佢切粒煮熟。店員介紹正宗北海道做法係會濃味啲,所以主要係食佢嘅口感。店員果然好熟悉菜式😳,帶子嘅味道如佢所述,由於用上大量嘅沙律醬煮製,無可避免係會遮蓋帶子原有嘅鮮味,但正正就食得佢煙煙韌韌嘅質感。再者,其實我唔覺得濃味,因為我好鍾意食沙律醬。雞先定蛋先($48),餐廳部份食物命名好有趣😝,呢道菜式嘅「雞」係指免治雞肉棒;而「蛋」就係伴隨嘅醬油蛋黃沾汁🍳。依個配搭係完美組合,無得輸,但我哋略嫌雞肉棒嘅黑椒落得太重手,所以辣咗啲。雖然而家都好食,但如果雞肉棒加埋雞軟骨就能夠進一步提升口感。串燒方面🍢,(由圖左至右)我哋要咗豚肉蒜心卷($38)、和牛蛋卷($88)以及串燒芝士獅子狗($32)。先講第一樣,朋友食完第一句嗌好辣啊,辣味源自蒜心,我就覺得OK👌,如果用煙肉應該會更重鹹香。和牛蛋卷賣得貴,但真係好好味😋。蛋係溏心蛋🥚,外面包住牛肉,夾埋味道層次好豐富。最後,芝士獅子狗就正正常常啦,不過夠熱,所以芝士好溶🧀。由於朋友係雞翼怪,所以我哋追加咗今翅大獲鳥($38),即係燒雞翼,一客有兩隻🍗。雞翼簡簡單單用鹽燒味道已經唔錯,而且唔會燒得太乾。炸蟹餅($56),蟹餅有三件🦀,佢比我嘅感覺有啲似日式炸薯餅,其實應該都係。蟹絲係有,但唔算多,整體未算太吸引,比較平庸。冷烏冬($42),🍜烏冬細細碗,但相當有驚喜。雖然餐牌冇寫係手打,不過憑佢粗幼不一嘅造型,我相信係自家製。可能係凍食嘅關係,烏冬口感嚼勁十足,但係又夠滑身,令人食上癮。呢個口感我冇喺其他地方食過,我超鍾意。飲品方面🍶,我哋要咗鍛高譚梅酒($58/杯)同埋沖繩菠蘿酒($58/杯)。兩杯味道各有特色,而且都係易入口的,酒味唔會太重,又夠冰凍好飲🤤。梅酒嗰杯味道幾重山渣味,而菠蘿酒就非常清新🍍。後尾追加咗杯大關桃梅酒($65/杯),味道幾好,但由於係桃味🍑,就比起頭兩杯冇咁特別。環境方面,大廈樓層面積唔大,所以座位唔太多,但我哋都坐得好舒服😙。餐廳位於頂樓並配合埋落地玻璃,客人可以一覽銅鑼灣鬧市嘅景色🌃,景觀開揚。我去洗手間嘅時候發現原來餐廳有個露台仔,有張打卡搖籃櫈以及少量室外座位,宜家呢個天時坐應該會好清爽。今日更好好彩哋見到大大個圓圓月亮🌕。呢個係室外望返入室內嘅視覺👀。題外話,同店員傾偈,佢仲話我哋知餐廳日頭會變身為Cafe,咖啡出品係由獲奬咖啡師沖製☕️。總括嚟講,依間日式串燒店喺各方面都令我哋好滿意,整個用餐體驗好開心😁。除咗食物好味之外,環境同服務亦都係重要嘅一環。樓面得一位女店員,佢非常忙碌,但仍能夠保持禮貌,十分專業!題外話,單憑餐牌都睇得出餐廳用心經營💕,因為餐牌設計非常精美,每一版都畫上老闆定店員嘅卡通公仔。有見及此,我專登影低晒每一版上載同大家分享。推介⭐️! 繼續閱讀
(以上食評乃用戶個人意見 , 並不代表OpenRice之觀點。)
等級4 2020-12-10
498 瀏覽
2020年12月3日 星期四天氣開始轉涼,終於開始感受到冬天嘅蒞臨,胃口都開始增大,成日都想食暖粒粒嘅食物,今晚就同老婆去到銅鑼灣嘅一間居酒屋入去嘅時候店員為我哋進行全新消毒,用咗一部噴霧機,感覺好專業,令到我哋即時好放心入到去發現餐廳已經裝修得好有聖誕氣氛,而且好光猛,座位之間都分隔得好開,防疫意識做得好足,最特別係餐廳仲有提供露天位置,可以望到銅鑼灣嘅夜景添由於預先訂左位,所以一去到店員已經為我哋安排左位置,但無諗到餐牌上會寫左我個名,感覺好貼心餐牌裡面寫低左食物既中、英、日文,方便唔同國籍既人士,而且餐牌既插圖都好有心思,似係每位員工既卡通圖案我地張枱旁邊仲寫有本日精選,就咁睇落去九款食物都好似好吸引咁,而且價錢唔算太貴,最後叫咗其中一兩款,怕食唔晒點餐之後等咗一陣就有食物送到,首先係牛油果沙律伴餅乾,冇諗過牛油果同餅乾都幾配合,食落去都幾開胃,仲食咗蟹子嘅脆添之後有炸蝦仔,份量都唔少,每隻蝦雖然細細隻,不過好夠鮮味同鹹香,用黎送酒完全係一流跟住當然唔少得係各款串燒,先有和牛蛋卷,和牛包住成隻蛋,一切開d蛋汁流晒出嚟,同牛肉好配合。另外仲有豚肉荔枝卷,荔枝嘅酸甜味正好中和左豚肉嘅油膩感,所以食完唔會覺得太飽肚,加上不得不提串燒芝士獅子狗,咬落去食到芝士融融地,有少少拉絲,效果唔錯呢個係燒日本魷魚筒,魷魚筒已經切開一嚿嚿,食落去好彈牙,而且配既醬汁夠晒惹味仲有一份冷烏冬,烏冬既質感有咬口,唔會好腍,同一般食到既好唔同,可以encore最後仲有呢個叫雞先定蛋先,其實係雞肉串拌生雞蛋,將生雞蛋撈埋醬汁,再同雞肉一齊食,真係每一啖都食到雞蛋嘅味道冇諗過呢個價錢好似去咗日本嘅居酒屋咁,令到我越嚟越懷念返去日本嘅日子 繼續閱讀
(以上食評乃用戶個人意見 , 並不代表OpenRice之觀點。)
等級4 2020-12-02
311 瀏覽
踏入十二月聖誕月,又係時候要開始著手同好友吃頓晚飯聚一聚。友人一向愛吃串燒,今次就特意揀咗嚟呢間主打串燒和小食嘅日式串燒店「Rerere 1001」開餐。餐廳地方不大,只有約 40 個座位,不過環境相當唔錯,以簡約樸實的木色系為主調,好有日本居酒屋 feel。另外店舖亦設露台座位,但這天有點冷,還是選坐室內較好。友人一向識飲識食,今次就交由他負責點菜。先來一客明太子沙律伴炸紫菜 ($68),將明太子雪凍再切成粒狀,食落好有口感,咬到粒粒鱈魚卵,味道不鹹,入面撈咗少許芥末醬,口味挺獨特,用旁邊的炸紫菜包裏著吃,既香脆又惹味。雞先定蛋先 ($48)  呢客其實係免治雞肉棒,廚師將雞髀肉磨碎後撈拌成肉棒,再烤至緊熟,肉質非常嫩滑,入口啖啖肉,蘸點日本雞蛋及秘製醬汁來吃,倍添香滑。炸蟹餅 ($56)  味道亦唔錯,外層炸得好鬆脆,入面塞滿芝士同忌廉,蟹肉嘅分量雖然唔算多,但食落一啲都唔油膩,外脆内 Creamy,正。北海燒原隻帶子 ($68),廚師非常細心,已經預先將隻帶子𠝹開再切成數粒,方便大家享用。帶子來自北海道,顏色雪白透亮,肉質飽滿彈牙,面頭的醬汁香滑鮮甜,配帶子吃,令帶子的鮮味更突出。今翅大獲鳥  ($38)  其實即係塩味の手羽先,雞翼一串有 2 隻,Size 不大,但吃來外脆內嫩,肉味十足,鹽香味亦恰到好處,配酒吃更是美味絕倫。芝士獅子狗 ($32)  獅子狗串燒本身無乜特別,隨處都食到,但係呢串獅子狗中間包住半溶嘅芝士,一口咬下,香濃的芝士徐徐流出,入口芝香滿溢,口感一流!另外旁邊的豚肉蒜芯卷  ($38)  食味亦不俗,面層的豚肉燒得啱啱好,油花勻稱、肉質鮮嫩而富彈性,而內裡包裹住嘅蒜芯食落亦芳香清甜,配鮮嫩的豚肉吃,可口味美! 和牛蛋卷 ($88),成品用上薄切嘅日本和牛包裹著流心蛋,和牛燒至外層微脆、內半生,食落牛味好濃郁。一刀切下,半熟的蛋黃瞬即流出,入口蛋香滿溢,配搭上乘的和牛吃,絕對是頂級享受。食串燒當然唔可以無飲品,左邊嗰杯係檸檬益力多梳打 ($42),益力多味道很濃,入口酸咪咪,甜度適中。右邊嗰杯係大關桃梅酒 ($65)   成品用上和歌山縣產白鳳桃及南高梅梅酒釀製,入口帶桃子嘅豐潤甜美。埋尾再點多客冷烏冬 ($42),烏冬頗粗身,咬下爽滑彈牙,掛湯能力理想,每口都吃到清甜的湯汁,食完真係大滿足! 繼續閱讀
(以上食評乃用戶個人意見 , 並不代表OpenRice之觀點。)
🍡🍢😋🤤之前去開銅鑼灣個香水工作坊忙裏偷閑去左食串燒原來呢間串燒中午係一間cafe好鍾意佢個welcome card訂左枱就有我個名設計好得意😍啲串燒好好食呢仲有見到我最鍾意既豆腐秋葵沙律Okra Salad with Tofu好清新秋葵同豆腐,加上芝麻醬好好味豚肉荔枝卷Lychee Wrapped with Pork豚肉唔會韌,包上鮮甜荔枝,甚可口雞肉棒🍗🍖好香好入味個名好得意叫雞先定蛋先Freshly made Minced Chicken Stick配上蛋醬好滑溜和牛蛋卷Sliced Beef wrapped with soft boiled egg超讚👍🏻食過最好味外層係和牛,入口好香牛味濃烈,口感適中一切開蛋醬流出好甘香且帶點微甜,食完仲可再黎多串湯烏冬🍲🍜Hot Udon好彈牙,加上清而不膩既湯底,好吃度up食串燒加杯鍛高譚梅酒Tantakatan no Umeshu微微既梅子酸味中帶一點甜度,加上冰塊,正好減淡梅酒既濃,令整杯梅酒味道更濃淡得宜🍹🥃🍸仲有個自家寒天,加入黑糖,晶瑩剔透,入口滑嘟嘟,又唔會好甜,超好食又爽口🍮😋🤤食多碗都仲得🙊 繼續閱讀
(以上食評乃用戶個人意見 , 並不代表OpenRice之觀點。)
很久沒見的朋友, 終於約得成今晚飯局, 大家喜歡吃日本料, 今晚選了一間日式居酒屋, 人客不多, 不嘈吵, 可以讓我們靜靜聊天。入門口先探熱, 還有特別的儀器噴霧消毒, 餐廳很著重衛生呢。紫蘇梅酒及菠蘿酒感覺吃日本料理, 要喝杯酒才完滿, 心情也特別高興, 我們叫了一杯紫蘇梅酒和一杯菠蘿酒, 我比較喜歡菠蘿酒, 感覺清新, 紫蘇海酒也很易入口, 比傳統梅酒特別。明太子沙律拌炸紫菜明太子小粒小粒的, 入口有種攻鼻的辣勁, 口感清爽, 放上炸過的紫菜上, 味道好夾, 如果有多點紫菜就更好。冷烏冬店員細心提示, 冷烏冬盡快吃口感更佳, 烏冬咬口煙韌彈牙, 不會煮得過軟, 而湯底比較清淡。炸蟹餅全晚我們最喜歡的菜式, 炸蟹餅外型像炸生蠔但較大隻, 咬下去裡面是忌廉和蟹肉, 有點鮮味, 又不會膩。和牛蛋卷薄薄的和牛片, 包著流心雞蛋, 巧手製作, 比較少見, 入口有和牛肉香再加蛋汁, 入口即溶的感覺。燒日本魷魚筒份量比較大, 魷魚烹調適宜, 保持柔軟口感, 醬汁用上黑椒汁, 濃香惹味。店員服務很好, 會關顧我們的食物送來的進度, 也很禮貌招待。 繼續閱讀
(以上食評乃用戶個人意見 , 並不代表OpenRice之觀點。)