丸目背脂煮干

營業中

休息中

朋友知我向來好驚脂肪，專登帶我黎呢間拉麵店克服佢🤣原來係一間東京拉麵過江龍。餐廳名的背脂煮干好特別，原來湯底係用左濃厚的豬背脂油，可以係冬天保持拉麵溫度，湯底超級濃厚😆餐廳主要係用分三種食法，湯麵，沾麵同油麵。湯底除了背脂煮干之後，仲有海老辛醬同黑椒湯。🍜特盛海老辛醬背脂煮干沾麵材料豐富，有海老辛醬、背脂、蛋、叉燒角、紫菜、筍、蔥、生洋蔥。沾麵醬入面有好多背脂，仲可以根據自己喜好，加錢叫鬼脂(3倍),脂地獄(4倍)🤣 背脂軟淋，油香十足！湯底超級濃味，除左有油脂香，仲有甘香魚鮮味😋最令我驚訝係食落吾會覺得油膩！怕肥的我都食得晒🤣🍲丸目油麵(拌麵)呢個麵條已經經過調味，咸咸香香。另外有菠菜，泡菜，葱花，有小小韓式風格。慢煮豚肩超好食，肥瘦比例好岩我，食到肉濃脂香👍🏻🌟餐廳環境係滿滿的日系和風，仲有電視播住日本節目，晚餐時間一瞬間就坐滿晒人😲今次呢個油脂初體驗真係好滿意🤣