同人鍋 (已結業)

同人鍋 做完野約左家人食雞煲，仲有火鍋同海鮮喎，冇乜期待下去同人鍋應約。去到先知原來呢間嘅火鍋湯底好得，唔係一般皮蛋「嚴」茜或豬骨湯，而係用花膠😍或龍蝦😮來做湯底！！家姐叫左一系列食物，先食出名嘅雞煲，雞大大件嫩滑新鮮，少骨而且入味。個汁甜甜地，如果有碗飯一定好好撈汁！😁 食完雞煲就食火鍋，我地叫左花膠湯底，店員提議我地飲埋花膠湯，之後先再加清湯做湯底。我嗰晚其實好攰，完全冇idea家人叫左咩。只見店員捧黎一大碟什錦丸拼盤、兩碟肥牛、生菜、餃子+魚皮餃。再加大海鮮併盤，入面有新鮮鮑魚，聖子，生豪，白膳片等，見個賣相都幾吸引，當堂精神少少🤣。 成日冇乜飲過水，見到個花膠湯即刻9秒9隊返碗！湯好濃又黏口，花膠膠質應該好重，湯好清甜飮完冇乜口渴，應該冇落好多味精。 飲完湯開動火鍋——肥牛入口即化、餃子新鮮大隻、至於鮑魚，上枱時仲識郁，煮熟後夠彈牙有鮑魚味、聖子則夠新鮮爽口、蠔就比較普通，但都有蠔味、最後有比較特別嘅白鱔片，啖啖肉好肥美，點辣椒油好正！ 總之呢一餐係好醒神的一餐，冇介紹錯！！