祥香茶餐廳 (已結業)

今日去左食個豐富早餐，我真係好鍾意食沙爹牛肉麵。依一個麵，真係非常之香濃，濃既當然唔係個麵都唔係個湯底喎，而是沙爹牛肉，佢個醬味十分之濃，唔辣而且有好香既花生味，依個又濃又香既沙爹醬加埋公仔麵個湯，夾埋入哂湯味既麵，可以講係一個好好既早餐,一個好開既開始,佢仲有自製既麵包，我諗都要係依D傳統茶冰室先有，軟林林既餐包，有少少牛油係裹面，己經好香好好味,仲有埋煎蛋，真係一流。就咁依完半隻蛋之後將蛋同火腿浸入麵到食，吸哂D味,又係另一種風味。當然奶茶都係一個必叫既野。無奶茶又點算係早餐呢,依到既奶茶又香、奶味又夠濃，最緊要係佢個茶好正,有D飲完個口會唔知想點,依到飲完個口會覺得舒服,唔會有怪既感覺。