酒鍋 (天文臺道) (已結業)

香港人特別鍾意打邊爐，連30幾度，我都反其道而行選擇去打邊爐。究竟有咩咁大既吸引力呢？除左多選擇之外，其實宜家仲有好多打法架。我講緊既係個湯底呀，唔只有粥底、花膠雞、麻辣、冬蔭公，仲有青咖喱、肉骨茶等等...呢d特式湯底，真係諗都冇諗過如果唔係偶然同朋食到呢間火鍋店，真係冇諗過打邊爐都可以咁fusion。我講既就係呢間係天文台道8號，即係audi車廠showroom斜對面既商廈，地點方便。餐廳裝修有型，配埋強勁音樂，真係好有feel。Menu呢度既主打都係d創意湯底同特式火鍋配料，不過我地今晚就食左佢呢個歡樂時光套餐，話明happy hour就梗係有特定時間啦，所以想食既朋友要留意番。開始之前既指定動作-溝醬放心呢度醬料都好齊全呢個餐仲有埋小食，為我地起動前揭開序幕小食有鬼五馬綠，紫蘇蝦餅，炭燒豬頸肉，同埋南乳炸雞翼。鬼五馬綠即係油炸鬼釀墨魚挖，不過呢度就加左d黑松露，多左層味道紫酥蝦餅就係將紫蘇葉包左d蝦挖再炸，外面酥脆，裡面彈牙有咬口，加埋dd紫蘇葉味，正炭燒豬頸肉就相對冇咩特別，不過炭燒味重南乳炸雞翼炸得好香口，又可以保持雞翼肉嫩四國豐味呢個鍋底混合左4款唔同既湯底，包括肉骨茶-