酒鍋 (天文臺道) (已結業)

周日晚上，終於黎到想試好耐嘅酒鍋。入到去，環境非常闊落、寧靜。打邊爐嘅環境抽風都做得幾好。兩人打邊爐都會安排較大嘅桌，醬料都是每桌提供。今次就叫左個可以話最浮誇嘅五格湯底醉生夢鍋 $368格格都好足料。除沙嗲湯、都幾辣嘅川味麻辣湯、有大大塊花膠嘅滋潤養顏花膠雞湯底、養生補氣肉骨茶湯底、仲有邪惡軸心嘅黑松露龍蝦鍋底，黑松露味香噴噴，有半隻龍蝦收埋係入面，食咩都可以點盡芝味。二人海鮮拼盤$368海蝦勁生猛、蟶子肥美鮮甜。酒鍋熊 3粒 $88釀左辣椒碎嘅墨丸，啖啖都咬到辣椒，都幾辣下。（菊花殘嘅入門版甘）蜂巢豆腐 $38放落肉骨茶、麻辣湯就最岩、最吸味。芝士竹輪卷 $68溶晒嘅芝士係竹輪嘅夾層，沾埋黑松露芝士鍋超爽。金沙鹹蛋魚皮 $68黃金魚皮可以話近期話題之作，魚皮炸到金黃酥脆，鹹鹹香香，唔捨得放入鍋浸軟。食得出連水餃皮都係自家制，一咬開黑松露香氣已經係口內瀰漫住，蝦肉爽口彈牙。洛神花茶、五花茶$28洛神花茶酸酸甜甜好好飲！酒鍋真係可以令到整餐邊爐都好似享受人生一樣，食材都盡顯氣派。