影片
更多
2022-01-03
344 瀏覽
難得放假就約屋企人飲下午茶, 屋企人話APM旁邊既亞太中心開左間新酒樓, 就一於上去試下。上到去見到門面佈置金碧輝煌好似好靚咁, 入面環境又幾好, 有卡位又夠闊落, 有落地玻璃透光感覺舒適又更有空間感。望真D原來依度晚市係主打火鍋, 有酸菜魚, 雞煲等等, 而中午就主打點心飲茶, 岩哂啦屋企人又中意食酸菜魚, 就叫個二人餐再加少少點心睇下咩料。酸菜魚大大盤賣相吸引, 即刻試啖湯, 濃濃既酸菜味, 加上少許香辣, 味道又幾好! 魚片冇骨啖啖肉, 滑溜冇腥味, 份量頗多, 好味! 配米線食一流, 湯底都唔會浪費。唯一可改進之處係希望佢有個爐一路滾住黎食就會更好, 因為一凍左就失色D。點心就叫左香竽天鵝酥, 紅棗棉花雞 同埋蟹籽燒賣皇。香竽天鵝酥就係竽角, 賣相討喜, 炸得香口酥脆。紅棗棉花雞有紅棗既香甜, 魚肚收埋哂係底, 食下食兀原來份量都幾多, 正! 蟹籽燒賣皇大大粒, 好多肉餡, 必點之一!屋企人對個酸菜魚同D點心都好滿意, 話搵日黎食火鍋!
上到去見到門面佈置金碧輝煌好似好靚咁, 入面環境又幾好, 有卡位又夠闊落, 有落地玻璃透光感覺舒適又更有空間感。
望真D原來依度晚市係主打火鍋, 有酸菜魚, 雞煲等等, 而中午就主打點心飲茶, 岩哂啦屋企人又中意食酸菜魚, 就叫個二人餐再加少少點心睇下咩料。
酸菜魚大大盤賣相吸引, 即刻試啖湯, 濃濃既酸菜味, 加上少許香辣, 味道又幾好! 魚片冇骨啖啖肉, 滑溜冇腥味, 份量頗多, 好味! 配米線食一流, 湯底都唔會浪費。唯一可改進之處係希望佢有個爐一路滾住黎食就會更好, 因為一凍左就失色D。
點心就叫左香竽天鵝酥, 紅棗棉花雞 同埋蟹籽燒賣皇。
香竽天鵝酥就係竽角, 賣相討喜, 炸得香口酥脆。紅棗棉花雞有紅棗既香甜, 魚肚收埋哂係底, 食下食兀原來份量都幾多, 正! 蟹籽燒賣皇大大粒, 好多肉餡, 必點之一!
屋企人對個酸菜魚同D點心都好滿意, 話搵日黎食火鍋!
張貼
