康瑞甜品

營業中

休息中

今日凍冰冰，最啱食暖笠笠糖水。好似話中女先中意食中式糖水，作為壯男，我係中意食台式糖水嘅。黎到康瑞，都係點嗰幾味。唔係仙草、芋圓，就紅綠豆沙、椰汁西米露咁。今日唔知做乜，挑起條筋就想食桂花酒釀丸子。點知中左伏。桂花酒釀理所當然係會帶酒釀嘅發酵糯米酸味，但呢隻酸味同蛋花、芋圓、地瓜圓都好唔夾，好似酸酸粟粟，變壞左嘅味。反之，朋友嘅薑汁蛋花芋圓地瓜圓小丸子就無伏。芋圓同地瓜圓都有自身好香嘅芋頭同蕃薯味，食落口感chewy，超有咬口！同薑汁味道好夾之餘，仲好暖胃。In short, 下次唔好再揀桂花酒釀。