韓舍 (已結業)

想有酒店級嘅享受，又想食物選擇又多，呢間韓舍確實係個好好嘅選擇，淨係見到咁多飲品可以揀就知道。揀好飲品之後，就係食前菜嘅時間。日式螺肉、清新嘅芝麻豆腐、又有鮮味十足嘅三文魚、鮑片刺身，質素相當高。跟住又食左幾款炸物，包括吞拿魚酥皮盒，餡料豐富、值得一試。而炸香蕉相當特別，唔係度度都食到。除左刺身之外，海鮮都有供應，大大隻嘅鮮蝦，青口絕對係係酒店級級數，新鮮而又蝦膏又多。燒肉當然係今晚嘅主菜。牛肉粒、牛肉片，雞柳、辣雞、雞翼、豬扒、雞腎、金沙骨... 樣樣數之不盡。香草雞味道不錯，香草味濃，雞肉鮮嫩; 牛肉粒肉味濃郁，燒5成熟就啱啱好。甜品時間，淨係睇相都知道有幾豐富，日本的水信玄餅賣相精緻、芝士蛋糕芝士味濃郁。加上又有炒雪糕機，pancake 機，棉花糖機，仲有爆谷機, 所以我形容係酒店級享受係非常貼切。