Papa Joe (已結業)

依家透過網上訂位就有七折，真係好抵，折後一個有質素既扒都只係$160加上有好多不同地方既菜揀，幾多選擇。叫了阿根廷牛腹膜柳，好少見到所以叫左，超入味又淋，叫五成剛剛好，好好味另外叫左蟹肉天使麵，都好出色，個sauce 好creamy,魚子令整體冇咁漏又有D口感，份量算大。 而墨西哥芝士薄餅就覺得中規中矩，足料，個皮邊仲有DD脆，不過我唔中意食豆。 唯一唔太滿意係侍應好少，成日睇唔到我地叫佢，而且上菜有D耐。不過環境幾有feel,較黑，但係舒適既。