酒鍋 (天文臺道) (已結業)

能夠同一位亦師亦友嘅男生一齊食飯，教下我野，係一件幾咁好嘅事。今次呢我哋選址就係於天文臺道的酒鍋。餐廳呢係佢建議佢嘅，佢話上次去銅鑼灣食好正！裝修別緻，富中國氣息，卻不失型格潮流感。好靚嘅醬料盤，有XO醬蒜蓉辣椒等等，不過湯底太好飲，最後我混完醬都冇用過！最受歡迎的當然就是用好特別嘅架擺放嘅牛肉，未選湯底我已經先點了。選了頂級安格斯牛頸脊，入口脂肪溶化，即使煮耐了都唔會硬。湯底選了一酒鳥之，係好特別嘅名字，原來係滋補養生嘅椰子雞湯。雞肉仲預先制過，分外香滑。煮幾耐都係咁滑！七星報喜係小巧嘅自家製手打墨魚丸，一粒嘅顏色都好靚，雖然顏色有改變但係味道呢似乎全部都係一樣。黑松露蟹蝦餃係我極力推薦的，蝦肉同蟹肉很彈牙而且鮮甜，每一粒餃子都很飽滿！我一口氣食咗三粒，建議大家唔需要點醬汁啊！仲有自家手工響鈴即叫即炸，點甜酸醬食或者放入湯底煮幾秒食都可以。喺呢度打邊爐感覺好舒適，樓底很高，冷氣開陽而且唔會覺得好濕粒粒嘅感覺。仲有室外位置比客人食煙用，不過我哋唔食煙嘅人呢就覺得開門閂門有點煩啦！哈哈