更多
2014-11-17
6417 瀏覽
家中嫲嫲年過九十，腦筋極之靈巧，每天更例必打十二圈麻雀，就連週末都唔放過，肥肥家族要見佢老人家只可趁晚飯時間相聚 。家中大小成員有退休長輩、在職人士及中、小學生，以週末最為空閒，所以就固定地相約每週六或日晚聚。嫲嫲食量有限，但愛錫兒孫之心卻無限 ，聚會時間、地點、菜式全部由後輩們決定，更不時提出可試新穎菜式，因為佢最鍾意就係見到大家食得開心個樣！十一月初，大肥爸爸提議去遠少少，入去深水灣「鄉村俱樂部」試吓會所內較高級o既中菜「香島廳」；肥肥家族三代同堂，不但食得高興，當嫲嫲得悉價錢比出面酒樓更為經濟時，更加係笑不攏嘴 ，大讚抵食。位於深水灣o既「鄉村俱樂部」感覺雖然有少少與世隔絕，但原來俱樂部為海洋公園之鄰居，正門同附近都有不同路線o既巴士及小巴站，等遲少少地鐡開埋就仲方便。如果非會員選擇停泊私家車於停車場，入門口時只需繳付一次性收費$50，即可泊足一晚，當然係唔包過夜啦；因為通常食飯都要成兩、三個鐘，如果飯前有麻雀打，或者飯後有歌聽，可能會泊成五個鐘添，所以個人覺得收費唔算貴。當八歲o既小堂細佬步入俱樂部時，第一句就形容環境「好似五星級酒店咁，好高級，好有氣派呀！」我地當晚去o
位於深水灣o既「鄉村俱樂部」感覺雖然有少少與世隔絕，但原來俱樂部為海洋公園之鄰居，正門同附近都有不同路線o既巴士及小巴站，等遲少少地鐡開埋就仲方便。如果非會員選擇停泊私家車於停車場，入門口時只需繳付一次性收費$50，即可泊足一晚，當然係唔包過夜啦；因為通常食飯都要成兩、三個鐘，如果飯前有麻雀打，或者飯後有歌聽，可能會泊成五個鐘添，所以個人覺得收費唔算貴。
當八歲o既小堂細佬步入俱樂部時，第一句就形容環境「好似五星級酒店咁，好高級，好有氣派呀！」我地當晚去o既「香島廳」係會所內之高級中菜廳，有服裝限制，穿著短褲或波鞋者均不得內進。餐廳樓面高，格調高雅，環境光猛潔亮，地方寬敞舒適衛生，堂細佬冇講錯，真係猶如置身於高級酒店內般 。
據說，餐廳內之服務生年紀雖然唔係話好大，但大多已於俱樂部內任職多年，對會員都非常熟識，無論係外籍GM定係樓面伙計，全體人員態度同樣友善，且充滿熱誠，真係好難得。小肥留意到，每當佢地見到老人家及小朋友時亦會加培留神，細心體貼得很，值得一再嘉許 。話就話嫲嫲胃口不大，但大肥爸爸叫餸時都會掛住老人家只可進食軟腍滑溜o既食物，所以點菜一定唔少得蒸蛋及湯水。
冬瓜盅（$320/中）：冬瓜盅必先預訂，$320一份中例，約可分成十二碗，好抵食。冬瓜盅好足料，熱湯清甜暖胃，最重要係好啱嫲嫲口味，佢一個人飲咗兩碗湯同食咗碗幾冬瓜，証明冬瓜好夠軟腍，湯底好夠香濃。
蒸水蛋（$73）：蒸水蛋好滑身，而且好夠味，嫲嫲食完再添，掂呀！
薑汁炒芥蘭（$75）：芥蘭外表翠綠，入口香脆，轉盤只係轉咗一次，碟菜就已經掃清 ，果然係正菜 ！
粗蔥粒豉油皇蝦球（$175）：大大隻蝦球又爽又脆又惹味，蝦后堂細妹尤其欣賞。
菠蘿咕嚕肉（$86）：酸酸甜甜o既咕嚕肉外層鬆脆，肉餡軟嫩，好耐冇食過咁好味o既咕嚕肉啦！
北京填鴨兩吃（$480）：如相所示，北京填鴨色澤光滑油亮，而且去哂毛，賣相一流。
哥哥仔即場帶上手套，表演片皮，衛生熟練；佢一邊片，隻鴨一邊發放出微煙熱氣，真係夠哂新鮮滾熱辣 ！
第一吃o既片皮鴨皮脆肉嫩，加上香蔥、甜醬等配料，再包上烤餅皮，滋味無窮，小堂弟妹仲大讚「正到暈」，勁搞笑 ！
第二吃o既鴨鬆好大碟，鴨肉香甜，用生菜包住黎食，分外爽脆濕潤。
佛門如意柚皮（$128）：拌碟o既菇菌竹笙都好爽脆，主角柚皮腍就夠腍，而且好入味，可惜有少少渣，嫲嫲只係細嚐一口就放棄。
豉椒煎蛋炒底免治牛肉飯，又稱「十字飯」（$88）：因為依味餸喺餐牌上被列為「鄉村俱樂部十大名菜」之一，所以肥肥家族各成員都想叫黎一試真偽。名菜果然係名不虛傳 ，夠哂鑊氣，炒飯底仍能保持乾身之餘，淋上面o既豉椒免治牛肉芡汁稀杰適中，撈入流心煎蛋更覺香滑惹味，全枱人都讚不絕口 ！
Almond Pancake（$32/兩件）：甜品方面，我地一家十口同吃俱樂部最聞名o既Almond Pancake，果真香嫩幼滑美味！據悉，此味Almond Pancake係樓下Garden Room之廚房所煮製，而且必需要服務生前往自取，所以比較需時，攞到上黎「香島廳」有機會唔夠熱。
埋單先知原來晚市茶錢續壺計，每壺$25，滾水全免，樽裝汽水每枝$11。此外，因會員每個月有交會費，所以於俱樂部用膳並無加一服務費 。眼見家人坐得舒適，吃得高興，食物更加係價廉物美，嫲嫲臉上o既笑容從心而發，喜悅之情盡情流露，肥肥家族當真感激鄉村俱樂部為家人於涼秋送上驚喜暖意 ！
張貼
