漁獲浜燒 (已結業)

尖沙咀係美食之區，成日都轉唔同新店，其中日本野又最多。今次同朋友第一次試新野，叫漁穫浜燒。先上細芝麻鹽醬椰菜開開胃，芝麻醬酸酸甜甜，令人醒神。另外店內做緊推廣，送左原板韓國海膽，簡直係意外驚喜！海膽顏色鮮豔，而且非常新鮮。清酒昆布煮花螺。好大陣仗，用煲煮花螺，一落清酒冒火，超級過癮。而且花螺鮮味十足，清酒同昆布更加吊出鮮味，提鮮。塩醬墨魚鬚漬。小巧精緻，墨魚鬚白雪雪，散開黎擺，賣相夠靚，入口爽口彈牙。雖然睇落好淺色，但其實煮得好入味，咸度適中，又保留鮮味，唔錯！今次漁穫浜燒體驗唔錯，可惜人唔多，下次叫埋朋友黎，可以坐耐啲，同試更多新野，期待下次！