115
1
2
港鐵尖沙咀/尖東站 B2 出口, 步行約4分鐘 繼續閱讀
所有分店 (2)
電話號碼
26188842
54046366 (whatsapp)
開飯介紹
浜燒指將海鮮在岸邊即捕即燒,這間餐廳提供日本新鮮運到的不同海鮮,讓食客感受日式浜燒滋味。 繼續閱讀
營業時間
今日營業
17:30 - 01:00
星期一至日
17:30 - 01:00
付款方式
Visa Master AlipayHK 支付寶 現金 銀聯 微信支付
座位數目
48
其他資料
網上訂座
Wi-Fi
酒精飲品
自帶酒水
切餅費
VIP房
電話訂座
賞訂座積分
加一服務費
當面支付
有關獎賞計劃
食評 (121)
等級4 2019-08-13
11 瀏覽
友人話好耐冇同我食磯燒海鮮,所以今晚就帶我黎到呢間位於H8的磯燒餐廳食飯!餐廳簡潔乾淨,看看餐牌也有很多不同的食物可以選擇 。點餐後,店員送上前菜。芝麻鹽醬椰菜,椰菜爽口鮮甜,配上芝麻醬令人停唔到口。原板韓國海膽,只要於facebook like佢地個page,就可以免費食到原板韓國海膽。雖然係送的,但係都唔差!海膽份量都有幾多,粒粒鮮甜唔苦,配埋紫菜一齊食更加美味!二人浜燒盛合,既然友人帶我黎呢間餐廳,當然要食磯燒海鮮。這裡的店員會幫忙燒,只要坐定定等食就得啦!這款盛合包括有生蠔、帆立貝、黃貝、赤蝦、貴妃貝、赤蝦同埋魷魚筒。生蠔成隻手掌咁大隻,脹卜卜,非常鮮甜,店員話本身呢隻生蠔可以生食,所以沒有燒到全熟,這樣會更鮮。貝殼類肉質都好鮮甜而且好新鮮。魷魚筒燒得好爽口彈牙,本身已經有落鹽的,但再點少許醬汁一齊食更加惹味!帆立貝有清酒燒和牛油燒,前者清甜,後者惹味!柚子雪葩,夠酸,味道係真柚子,唔係假甜,口感也是雪葩的口感,可以解膩呢! 繼續閱讀
(以上食評乃用戶個人意見 , 並不代表OpenRice之觀點。)
等級6 2019-07-19
219 瀏覽
漁民冒險出海捕魚,最開心就是漁獲大豐收,賺到錢可以返屋企休息及與家人共享天倫,身為客人自然坐享其成,今晚到漁獲浜燒,又再一次大飽口福。喜歡漁獲浜燒選材上乘,燒功了得,環境企理,地點方便,性價比合理,是我的浜燒店首選。今次移獅至尖沙咀店皆因好奇,食物種類及裝潢其實與銅鑼灣店無異。例牌先點清酒,我最喜歡北鹿天祿光臨大吟釀,因為最清甜。沖繩風沙律 $138真心推介沖繩風沙律,材料多元,沖繩海葡萄及苦瓜、混合雜錦刺身,包括三文魚、呑拿魚、油甘魚、八爪魚等等,口感豐富。細芝麻鹽醬椰菜  $58爽口味香。時令活蠔   $68*2今日的時令活蠔來自西班牙,肥美大只,只不過蠔味不強壽司八款 漁獲滿溢壽司卷 $288三文魚、吞拿魚、油甘魚、北海道帶子、赤蝦、吞拿魚魚腩蓉、三文魚子卷、紫菜海膽卷,這個組合相信沒有人投訴。活帆立貝   $88*2最喜歡活帆立貝可以兩種做法,清酒煮鮮甜,牛油煮更香。波士頓龍蝦   $388肉厚味鮮,連殻燒添加香惹。味噌蟹甲羅燒配多士    $78*2最特別是加了麵包糠,混合來吃增口感,與脆多士是絕配。香煎蒜片厚切牛舌   $98厚切牛舌口感非常好,柔靱味香。燒芝士年糕 $58我的必點項目,香軟豐富。椰子雪糕 $58柚子雪芭 $58冰涼可口,完美作結。 繼續閱讀
(以上食評乃用戶個人意見 , 並不代表OpenRice之觀點。)
等級4 2019-07-18
154 瀏覽
一向喜歡吃日本菜,放工當然要慰勞自己,吃自己喜歡的。周三就相約妹妹去吃了這家人氣甚高的浜燒。雖說説浜燒專門店,除了燒的食物外,我們都點了沙律前菜、刺身和壽司,非常豐富滿足。細芝麻鹽醬椰菜$20- 芝麻醬香而且帶點咸辣,配爽脆椰菜片很惹味開胃。池魚刺身$298- 池魚鮮味而且肉質有點膠口,一片片切得厚度剛好,配蔥粒和薑蓉再沾醬汁,很提鮮。最後師傅還替我們把伴碟的魚頭、魚骨和尾巴炸了,很香口,脆卜卜,真正吃得連骨都沒剩。壽司6款$198- 外賣吸引,款款新鮮,有三文魚、吞拿魚腩、左囗魚、赤蝦、帶子和三文魚子壽司。其中我最愛黑松露帶子壽司,帶子鮮甜,超級大隻厚身,片開了一半仍然厚度十足,配黑松露醬很香,味道很搭。燒喜之次$980- 大大一條,調味只用上少量鹽,燒得魚皮脆而且咸香,魚香油脂充分帶出,魚肉鮮嫩。魚眼部分當然亦不能錯過,啫喱狀的物體鮮味無比。小北寄貝4隻$108- 看著北寄貝在面前吱吱開口,未食已流口水。貝肉厚,鮮甜而且爽嫩,流出來的汁更不能錯過,很鮮甜。金錭西京燒$88- 有3串,一邊燒已聞到陣陣香。金錭燒得較乾,肉質屬於較紥實的一種,調味剛好,不然會太濃烈,嚐到魚甘香。墨魚鬚漬$88- 這也是店員在面前燒的,墨魚鬚很快就捲起,用火槍直接燒墨魚鬚的表面更加焦香,墨魚鬚爽脆有咬口,很適合伴酒。最後我們點了番薯雪糕$58和椰子雪糕$58,這兩款雪糕都真的是用原個番薯和椰子裝上的,很有趣,真材實料很美味。 繼續閱讀
(以上食評乃用戶個人意見 , 並不代表OpenRice之觀點。)
等級4 2019-07-16
138 瀏覽
呢間日式居酒屋,本身都已經聽過唔少佢嘅名氣,今日就決定同幾個朋友嚟食晚餐,希望試吓呢間餐廳既用心經營之道,以及慰解一下好想去日本嘅情懷餐廳嘅用餐環境唔逼夾,張枱都幾大,方便大家放比較多嘅嘢食,另外,我今晚就揀咗杯烏龍茶割燒酎 (即 Oolong Highball),因為我唔太鍾意啲甜嘅飲品,呢一杯真係啱晒我 ; 正式開始之前,食返個前菜芝麻醬沙律先第一款食物已經唔簡單,佢係帆立貝刺身!大家真係千祈唔好以平時成日食日式放題嘅質素同佢比較,因為根本完全冇得比,亦係完全兩回事首先賣相已經贏晒,有好靚嘅擺盤,厚切又新鮮嘅帆立貝,用多樣配料作襯托,視覺已經滿足晒線先,而每件帆立貝上面,更有幾粒晶凝通透,又鮮甜嘅三文魚子,連同帆立貝一齊食,真係冇得頂帆立貝新鮮爽口,食落非常有口感,而且帶有一點黏感,證明帆立貝確係非常新鮮,並無經過長時間嘅急凍冷藏,確實值得一讚好多朋友都喜歡食得健康,食日式野嘅時候,都會叫沙律,呢個沙律係我推介嘅,佢係 特製黑松露炙燒平木魚邊沙律除咗新鮮爽口,富有大量健康魚油嘅平木魚邊之外,當中更有新鮮嘅牛油果,令成個沙律更加健康而將沙律中間嘅黑松露醬攪拌,佢嘅味道更加強烈,非常吸引,係一個健康,又非常好味嘅沙律嚟到呢啲日式居酒屋,點都要試一試佢嘅刺身嘅,果然冇後悔叫到呢三款刺身,當中包括 原隻牡丹蝦,活象拔蚌刺身 及 三文魚刺身,一句講晒,三款都非常新鮮,象拔蚌非常爽口彈牙,三文魚厚切,真係好味到唔知講咩好本人作為刺身蝦控,點樣唔特別介紹呢隻原隻牡丹蝦俾大家先,大家可以睇到上圖,隻牡丹蝦仲長過部電話,咁樣冇經過超級急凍冷藏嘅佢,食落口感一流,有新鮮嘅蝦味,口感有張力,當你啜個蝦頭嗰陣,更加係鮮甜無比,呢隻蝦嘅性價比真係高到不得了食完啲生嘅,就食下啲熟㗎啦,呢度都有磯燒既食法,餐廳會有店員將新鮮嘅海鮮,係你面前燒熟,今晚我同朋友決定食好啲啲,分別叫咗兩隻龍蝦,一隻係日本既 伊勢海老,令一隻就係 波士頓龍蝦最衰呢度冇得放影片,如果唔係真係可以大家睇到,呢兩隻龍蝦上枱嘅時候,真係仲識郁㗎!真係極度新鮮,冇花冇假!嘩!真係唔多機會可以睇住隻龍蝦燒到變色,感覺係有啲興奮嘅,兩隻龍蝦都有唔同嘅煮法,例如上圖嘅呢一隻,我哋就將佢斬件,用普通磯燒嘅形式去煮,食龍蝦嘅鮮味,就算唔落任何調味及醬汁,確實因為龍蝦非常新鮮,所以味道都已經非常好食將龍蝦燒到金黃色,係咪真係睇到都好想食先!燒海鮮都係今餐其中一個重頭戲,呢一盤海鮮,唔使講,同樣非常新鮮,佢係 特上漁獲浜燒燒盛合 (4人前),價錢係 $1,628hkd,點解呢個我要特別講埋佢價錢出嚟,最主要係因為,佢絕對值呢個價錢之外,係可以比大家衡量到,呢個價錢同佢嘅質素都係成正比嘅當中包括大蜆,大蝦,鮑魚,大帆立貝等等大家一睇佢嘅色澤就知,其實真係每款海鮮都好新鮮,一路係你面前笑嘅時候,其實真係已經流晒口水,根本都唔需要多講佢究竟有幾正!燒起食落口既嗰份新鮮嘅味道,帶有少許海水味,海鮮爽口彈牙冇異味,真係會令你明白到點解佢會值呢個價錢之餘,絕對會令你非常滿足食咗呢一餐咁正嘅日本野,絕對冇可能唔食埋甜品,令佢有一個完美嘅句號啦!款款菜式都咁正,甜品就揀一啲特別嘅款式啦,分別有後面嘅 柚子雪芭 及 前面嘅 番薯雪糕點解我話特別,因為不論雪芭定雪糕,佢真係有成個 柚子及番薯裝住架,所以食起嚟,味道更加強烈,餐廳店員更加會有個提議就係,你食完入邊嘅雪糕,更加可以燒熱返出面嘅 柚子或者番薯 嚟食添㗎,呢啲咁特別嘅甜品,真係買少見少啊!所以總結係,我自己覺得呢一間嘅日本居酒屋確實係幾高質,除咗食物都係新鮮嘅之外,店員嘅服務態度都唔錯,會令你想再一次返去食,難怪佢嘅名氣真係越嚟越勁 繼續閱讀
(以上食評乃用戶個人意見 , 並不代表OpenRice之觀點。)
等級4 2019-07-16
108 瀏覽
今日同老公食生日飯, 一定係揀日本野因為我最愛, 同時我又好喜愛海鮮😍咁生日飯當然要食得豪氣少少, 坐得舒舒服服,所以今次揀左間日式嘅磯燒海鮮的 "漁獲浜燒"地方好寬敞, 兩個人坐四人枱原來因為會預左一邊幫我地即席燒海鮮。前菜是看似簡單的麻醬生椰菜,但食落個菜甜度好高, 麻醬有溝左少少辣味, 食落唔覺辣, 很惹味。再黎一版海膽開下胃先, 新鮮無異味, 大大啖夠滿足,有停留於口腔的海膽味道。壽司八款, 也是最重要要點就是新鮮!每件都很高質素。油甘魚厚切, 係有甜味, 回味嘅。黑松露帆立貝黑松露味道有點重,稍為蓋過帆立貝的鮮甜味。另外最驚喜就係赤蝦, 蝦身灑上柚子鹽, 肉質彈牙再帶一份柚子的清新口感, 想再encore。到磯燒系列- 伊勢海老$598 即係龍蝦,一般龍蝦仔肉都唔會有什麼味道可言, 所以這裡用了非常聰明的方法就是將個醬混了蟹膏蟹肉的再搽在龍蝦面上燒, 一燒有陣陣蟹膏香味,再配返龍蝦啖啖肉, 確實不錯。其實這裡最高享受就是職員一路喺我地枱邊燒就一路聞住個香味, 令我有強烈的期待感覺。而且又好似每一道餸都有專人待候, 真係好似上賓咁。燒活帆立貝, 一隻用清酒煮, 一隻用牛油煮。清酒煮就清一點,食到帶子鮮甜味。 牛油就係惹味, 牛油配帶子絕對係永恆的代表。最後來一個柚子雪芭, 超級重柚子味, 偏酸, 但好啱我口味。是非常適合做飯後甜品的。 繼續閱讀
(以上食評乃用戶個人意見 , 並不代表OpenRice之觀點。)