影片
更多
2008-08-03
2/8/2008，星期六。終於都去到上海婆婆度試下啦！預計放工之後要兩點先入到屯門，所以一早派咗只馬仔大概一點去搵位。點知原來好快就有位，佢地又限時個半鐘既，所以就算有位都要放棄。叫佢點四再拎過一張飛，之後就好似時間停頓咗咁，條龍好耐都冇乜進展，終於真係兩點先剛好有位。我地四個人，見檯面只係放咗大餐牌，於是我就問侍應係咪仲有另一張餐牌有套飯食既。但回應郤是：星期六、日及假期係冇套餐食既。嗄！冇？有d失望，咁唯有散叫啦。叫咗婆婆粒粒炒飯，碟飯係醬油色既，有蝦同好似臘腸咁既材料係入面，濕咗ｄ，味道較為重手。冷氣太大，風又勁，我地坐卡位既，但就個個位都好似係風口咁滯。基本上食物一到就會吹凍晒，就算點快手咁食，都係無補於事。跟住黎碟三絲冷麵，有幾條類似餚肉咁既肉條係上面，汁都好夠。小籠包既皮的確好薄，要好小心咁夾起黎食，裏面仲有肉汁既。要同ｄ風搏鬥，所以第一時間食咗佢。期間都有侍應為我們添茶，好彩ｄ茶夠熱咋。到生煎鍋貼上檯，一客三只，的確唔錯，係全程最夠熱既食物。一籠兩只既素菜包都OK既，但我又唔覺佢值九蚊一只喎。再加碼叫個甜品，原本我想食高力豆沙既，但佢地又話要食豆沙鍋餅，咁好啦。侍應好有禮
我地四個人，見檯面只係放咗大餐牌，於是我就問侍應係咪仲有另一張餐牌有套飯食既。但回應郤是：星期六、日及假期係冇套餐食既。嗄！冇？有d失望，咁唯有散叫啦。叫咗婆婆粒粒炒飯，碟飯係醬油色既，有蝦同好似臘腸咁既材料係入面，濕咗ｄ，味道較為重手。冷氣太大，風又勁，我地坐卡位既，但就個個位都好似係風口咁滯。基本上食物一到就會吹凍晒，就算點快手咁食，都係無補於事。
跟住黎碟三絲冷麵，有幾條類似餚肉咁既肉條係上面，汁都好夠。小籠包既皮的確好薄，要好小心咁夾起黎食，裏面仲有肉汁既。要同ｄ風搏鬥，所以第一時間食咗佢。期間都有侍應為我們添茶，好彩ｄ茶夠熱咋。
到生煎鍋貼上檯，一客三只，的確唔錯，係全程最夠熱既食物。一籠兩只既素菜包都OK既，但我又唔覺佢值九蚊一只喎。再加碼叫個甜品，原本我想食高力豆沙既，但佢地又話要食豆沙鍋餅，咁好啦。侍應好有禮貌咁預先提示：加豆沙鍋餅要等十至十五分鐘。好！等我又即刻睇下錶先。又有侍應幫我地收晒ｄ碟，換過新碟同筷子預備食甜品。牆上既大陸feel小朋友大頭畫唔覺得靚，尤其佢地手上拎住杯唔合比例兼畫得比較差既甜筒，同幅畫好唔協調，就當我唔識欣賞啦。豆沙鍋餅上場啦，咦！真係十分鐘送到喎。唔太甜，合格既。
會唔會再幫襯？好難講，其實冇乜特別，名過其實。如果食輕食午餐，拎住二百蚊，係屯門市中心大把選擇。但我情願要等，都好過去茶軒！
張貼