榮記粉麵

營業中

休息中

上個星期六下晏大概兩點幾係銅鑼灣，諗起上次經過榮記都好多人排隊﹐所以都想一試。來到門口都己經有大概１０人係我之前排緊隊，大概等咗１５分鐘先有位。入到去，地方好細，而且一張枱要坐成７個人都好迫吓，不過地方都好乾淨。我叫咗個米粉+魚蛋+粉腸+雞翼尖+魚皮餃份量都可以，不太少。湯底加咗腩汁，但係不太特別魚蛋係白魚蛋﹐個人比較喜歡，粉腸+魚皮餃無乜特別，不過不失。雞翼尖係呢到出名既，都不錯，不過就出奇的甜。埋單四餸麵$22,如果下次經過唔使排隊都會再食，如果要再等15分鐘就唔係咁值。我其實食過既車仔麵，都覺得係灣仔晏頓街車仔麵之家比較好味。