泰贊- 創意泰餐廳 (已結業)

上個禮拜睇戲前食左個快飯。今次食咗泰式鹹豬手，同焗海鮮飯。比較鍾意個豬手多啲，豬皮都幾香脆，啲肉又唔太鹹，肉質都好腍，醬汁都幾好味，不過如果個豬手再多啲泰式嘅風味就更好喇。焗海鮮飯，味道ok嘅，不過就太油，青口係幾好食，特別係入面嘅醬料，如果將呢個醬料炒埋落啲飯度就更正。其他海鮮就一般般，有一件炸魷魚，一件炸魚，同一隻大蝦，隻大蝦就麻麻，啲肉好霉，唔好食。由於係快飯，所以都食唔到甜品。呢間係食泰國fusion，menu都幾多選擇嘅，價錢又唔算好貴，有機會都會去多次。不過舖頭唔算好大，所以得90分鐘用餐時限，最後30分鐘佢哋會同你講last order，見咁上下就會送埋張單過嚟，我都明嘅見佢出面排晒隊，但係作為食客點都有啲不是味兒。