吃扒 (已結業)

早排經過旺角，就見到依間好特色嘅紫色外牆《吃扒》，第一感覺比我以為係食高級西餐，點知睇個menu就發現我估錯晒，原來佢哋係提供平民扒餐。身為肉食獸嘅我諗都唔使諗就入咗去。餐廳內昏暗橙黃色嘅燈光配以水晶吊燈，估唔到食扒都可以咁浪漫。首先會送上熱辣辣嘅餐包同埋是日餐湯，餐包係港式，切開塗上牛油，食落都幾鬆軟。餐湯就可以揀中湯或者西湯，中湯就係豬骨湯而西湯就係羅宋湯。吃扒什扒 +熱熔芝士首先店員會燒熱芝士，然後喺你面前倒上拉絲狀嘅芝士，強烈推介，充滿視覺效果。另外依款套餐肉食獸就啱哂，有煎蛋、豬扒、牛扒、雞扒、煙肉同埋腸仔。醬汁方面就可以揀洋蔥汁、蒜蓉汁、燒汁等等。豬扒煎到好香脆、雞扒就比較多肉汁而牛扒就肉味好濃，每一款都各有特色。熱熔芝士紐西蘭牛柳依款已經有熱熔芝士，唔使再另外加錢。紐西蘭牛柳好厚，但係切開係滿滿嘅肉汁，牛肉味極濃，估唔到厚切但係肉質仲係軟腍。飲品方面，都會提供港式嘅懷舊飲品。我就叫咗雪糕菠蘿冰同埋黑牛。兩款都有雪糕喺上邊，為依個晚餐畫上完美句號。人均200左右晚餐如果唔想錯過其他好介紹，記得follow我呀😘多謝大家！！！