影片
更多
2022-10-13
17 瀏覽
數港式鐵板西餐，旺角呢一間吃扒的確吸引到我去試吓佢哋嘅出品，因為網上流傳悪嘅食物相。餐廳外紫色嘅外牆好易揾到，入面係昏暗嘅復古裝修，仲有啲打卡位可以影下相。朋友點咗Keto肉眼，我就點咗佢地嘅什扒。始終食港式鐵板，什扒嘅地位係冇可替代，仲可以加錢加埋熱溶芝士汁，呢個先係重點。轉成餐，餐湯可以揀中式豬骨湯同埋羅宋湯。見到其他枱”咋”聲四起，都係敵唔住魔鬼嘅引誘，改咗做熱溶芝士牛柳。鐵板一上，唔係先落汁，而係等waiter準備芝士汁。將烈酒加入鑊上芝士再點火，再攪成半溶嘅芝士汁，一嘢倒曬落去。之後再加紅酒汁，”咋咋”聲。什扒有齊豬、牛、雞、牛仔腸、煙肉，仲有隻煎蛋添，份量十足。芝士係淡淡嘅blue cheese味，配薯條最好食。最後仲有雪糕同餐茶，飽到唔識郁。呢度如果撞啱食飯時間都幾多人等，早少少嚟會容易搵位啲。
餐廳外紫色嘅外牆好易揾到，入面係昏暗嘅復古裝修，仲有啲打卡位可以影下相。
朋友點咗Keto肉眼，我就點咗佢地嘅什扒。始終食港式鐵板，什扒嘅地位係冇可替代，仲可以加錢加埋熱溶芝士汁，呢個先係重點。
轉成餐，餐湯可以揀中式豬骨湯同埋羅宋湯。
見到其他枱”咋”聲四起，都係敵唔住魔鬼嘅引誘，改咗做熱溶芝士牛柳。
鐵板一上，唔係先落汁，而係等waiter準備芝士汁。將烈酒加入鑊上芝士再點火，再攪成半溶嘅芝士汁，一嘢倒曬落去。之後再加紅酒汁，”咋咋”聲。
什扒有齊豬、牛、雞、牛仔腸、煙肉，仲有隻煎蛋添，份量十足。芝士係淡淡嘅blue cheese味，配薯條最好食。
最後仲有雪糕同餐茶，飽到唔識郁。
呢度如果撞啱食飯時間都幾多人等，早少少嚟會容易搵位啲。
張貼
