和牛燒肉‧純

周日晚上，有人想食日式燒肉就search 左附近呢間和牛燒肉純。由於晚上嘅6點，只有一桌客人入座中。我地好順利甘被安排闊落嘅卡位。一落低，座位已經擺放好濕毛巾同醬料。由於都唔算太肚餓嘅關係，就決定散叫。野菜漬物 $78上層舖滿紫菜，下層係淋上漬物醋新鮮嘅野菜，酸酸地、冰冰涼涼都幾開胃。我地總共order 左4款肉。擺盤擺放得非常精緻，仲有新鮮蔬菜伴碟。特選日本產和牛牛排肉 $320 油花分佈好靚，食落3款牛當中油脂最豐富。真係有種入口即溶嘅感覺。日本產和牛上牛排肉 $205相對地油脂感無甘重，但肉質非常軟稔。配白飯一流。燒唔夠1分鐘就可以食得。特選日本產和牛肉眼 $5503種之中牛嘅肉味最濃郁，沾上少少鹽最為適合。日本產豬五花肉 $98日本嘅豬燒起黎唔會有豬果種”酥”味，沾醬汁好夾。白飯大大碗，食和牛還是需要配點飯。 青蘋果梳打 + 巨峰汽酒$55 食燒肉點可以order 酒呢？一個有酒精一個無，飲落飲唔出有酒精。非常順口。非常滿足嘅一餐。