成都老碼頭火鍋 (已結業)

一班朋友聚會食飯是最苦腦的問題，又要約齊人，又要就各人口味，好彩今次有朋友介紹去旺角食呢間（成都老碼頭火鍋）就腳之餘，可以邊食邊等，加上我們都喜歡食辣的，一定適合到他們的口味，😏講到咁，當然要試一試啦！一入到去環境都好濶落，裝修亦好古色古香！我們點了鴛鴦湯底，一邊是花膠雞湯，服務員先叫我們品嚐一下湯的味道，湯料十足，果然入味又濃郁，另一邊就係麻辣湯底，同樣出息👍🏻👍🏻牛肉方面，我點了澳洲雪花肥牛＄158（1份），脂肪分佈均勻，肉味比較重，烚一烚即食已經好嫰滑😋老友鬼鬼 $58（半份四件）一放入鍋，油炸鬼立刻吸收哂花膠湯的精華，墨魚爽口，再加上蟹子，再多一份爽口的層次！😋😋無骨鮮鴨掌 $48（半份）第一次食到鴨掌可以無骨的，進食非常方便，而且煮熟後更入味，又爽口！杞子龍眼菊花蜜＄68比較偏甜，所以解辣一流，而且好足料，每一啖都充滿龍眼和菊花的味道，食麻辣火鍋飲一流，飲完喉嚨好舒服😌！