影片
更多
2016-03-23
453 瀏覽
一個星期入面最鍾意就係星期六，夜晚食完飯又唔使講住返屋企可以朋友慢慢傾慢慢玩！舊同學介紹呢間海鮮，佢話好正！所以一於來試試啦。一入到黎環境舒適！而且仲有卡位，就算第日兩個人來食海鮮都可以食得好舒服！ 秘制花甲 $68第一次小食會食花甲！而且仲係冷盤，真係超級特別！原來海鮮凍食係另有一番風味。。有少少和風嘅感覺 酥炸墨魚頭 $98超級香口！開胃小食手拍青瓜 $48一向超鍾意食拍青瓜，平時要喺四川菜嘅鋪頭先至食到，估唔到蒸海鮮店都食到呢一類咁開胃嘅小菜！非常爽口開胃青芥末木耳 $48木椅亦係涼拌小菜中最好味最索味嘅一種前菜！今次呢一款木耳好特別中加入左青芥末開胃之餘有一種特別醒神嘅感覺 拔絲咕嚕肉 $128本身對咕嚕肉嘅興趣唔係十分大，第一次試呢一度嘅咕嚕肉真係充滿驚喜！我被由於係用拔絲嘅方炮製，超級脆口，而且帶點甜！入口有一種食緊冰糖胡佬嘅感覺，好味！食到停唔到！ 黑松露蒸水蛋話咁快就上第一個餸！水蛋係即時用枱面嘅爐蒸出來，滑溜溜，侍應喺水蛋上面平均分配黑松露，再稍蒸，就已經食得。作為一個開胃前菜，免費送嘅水蛋真係冇得彈！ 蟲草花蒸南非鮑魚 $88隻鮑魚超級新鮮
舊同學介紹呢間海鮮，佢話好正！
所以一於來試試啦。
一入到黎環境舒適！而且仲有卡位，就算第日兩個人來食海鮮都可以食得好舒服！
秘制花甲 $68
第一次小食會食花甲！而且仲係冷盤，真係超級特別！原來海鮮凍食係另有一番風味。。有少少和風嘅感覺
酥炸墨魚頭 $98
超級香口！開胃小食
手拍青瓜 $48
一向超鍾意食拍青瓜，平時要喺四川菜嘅鋪頭先至食到，估唔到蒸海鮮店都食到呢一類咁開胃嘅小菜！非常爽口開胃
青芥末木耳 $48
木椅亦係涼拌小菜中最好味最索味嘅一種前菜！今次呢一款木耳好特別中加入左青芥末開胃之餘有一種特別醒神嘅感覺
拔絲咕嚕肉 $128
本身對咕嚕肉嘅興趣唔係十分大，第一次試呢一度嘅咕嚕肉真係充滿驚喜！我被由於係用拔絲嘅方炮製，超級脆口，而且帶點甜！入口有一種食緊冰糖胡佬嘅感覺，好味！食到停唔到！
黑松露蒸水蛋
話咁快就上第一個餸！水蛋係即時用枱面嘅爐蒸出來，滑溜溜，侍應喺水蛋上面平均分配黑松露，再稍蒸，就已經食得。作為一個開胃前菜，免費送嘅水蛋真係冇得彈！
蟲草花蒸南非鮑魚 $88隻
鮑魚超級新鮮！蟲草花嘅特別香味同鮑魚嘅味道真係超夾。唔使落配料已經好好食。
花甲 $128斤
花甲同樣係完全唔需要落任何調味料，直接蒸出來已經好好食火候控制得啱啱好！
紐西蘭蟶子 $68隻
聖子超口肉超大隻！鮮甜而且新鮮！
花螺 $164半斤
煙韌到超級美味，作為下酒菜真係一流
日本大元貝 $88隻
元貝嘅size超級大！仲大過我嘅手板，小小蒜蓉及粉絲！連埋一齊蒸，真係鮮甜。
膏蟹蒸糯米飯 $268
其實食咗咁多海鮮已經有飽嘅感覺！本來以為已經在食唔落飯，但係都比呢一個高蟹糯米飯吸引住。
糯米飯已經完全吸收蟹肉嘅鮮味。聽侍應講全冇落任何味精加工及調味料！真係超級健康。
黑松露蝦滑配蘿蔔
爽口彈牙！蝦肉新鮮，而且明顯地蝦膠嘅拍打功夫做得好夠！完全不失鮮味
原籠蒸小饅頭 3個 $38
原籠蒸奶皇包3個 $38
原籠蒸燕麥叉燒包3個 $48
接近尾聲，我哋仲叫咗即蒸點心！呢一度真係包羅萬有，唔使朝頭早等位去飲茶已經可以食到點心！
叉燒包嘅口感真係超級特別，最難得嘅就係佢竟然係素食。素叉燒放入包裏面，真係幾可亂真。又係一個健康嘅選擇。
南瓜排骨粥底 $128
最後亦最期待嘅粥底終於可以食！將頭先我哋食過所有海鮮嘅精華，完全滲入粥底入邊。好甜好入味嘅粥，如果唔知道，真係以為煲左幾個鐘嘅老火粥！因為海鮮嘅精華已經完全滲透！非常惹味，真係無得輸！
以往食海鮮成日都會去西貢，價值不菲而且路途遙遠！冇諗過係尖沙咀咁方便嘅地段，都可以享受到咁新鮮而且係即蒸嘅海鮮，以後同朋友來呢度真係唔使長途跋涉，就可以食到正海鮮。又多一個朋友聚會嘅熱點！
張貼
