和藏桂林夜市 (已結業)

假日旺角行街真係有啲攞命，如果唔係為咗買遊戲機都未必會走過黎，一出商場，覺得有啲肚餓，見前面有間鋪頭幾多人圍住，當然唔執輸走去望下有咩食。見到有我最愛嘅避風塘魷魚絲！！重要啱啱炸起，唔怪得之咁多人圍住啦，個個爭住點一包！好彩都比我搶到，一食就知點解咁多人爭啦，炸粉一啲都唔厚，啱啱炸起，仲熱辣辣，配埋惹味避風塘，邊有得輸呀！而且份量都幾多，兩個人食啱啱好！食完有啲唔夠喉，走去點多兩舊避風塘豆腐，我哋話要辣，佢就落咗啲類似泰式辣汁嘅醬料，又係好開胃呀！而且豆腐外脆內滑，一流呀！肥姐以外既新選擇!